انتظر كلامكم يرفع معنوياتي ويطبطب على قلبي 💔💔

صباح الخير . ياحوائيات حابه اني اطرح لكم موضوعي وانصحوني وارشدوني لعل كلامكم يريح قلبي ويدعمني معنويا
بنات صار لي مطلقه من ابو بنتي طلقه ثانيه من 6 سنوات طول ال 6 سنوات هاذي وهو يحاول يرجعني كذا سنه كلم ابوي بخصوص اني ارجع له مع وجود زوجته وطفلين لاكن كنت ارفض وكان مصر ويوصلي كلام مع بنتي بخصوص اني ارجع له ولاكن السنتين الاخيره بدات أتجاوب ومعاه واعطيته فرصه يتكلم معي رسائل ولما حس اني موافقه ارجع له لاكن بشروط عاديه شروطي سالني سوال وصار يكرر هل رجوعي لك يسعدك هل انا مازلت في قلبك الاسئله هاذي انا اقوله مو وقت اني ارد عليها الان بس لاحظت انه اتفق معي على انه يكلم ابوي بخصوص موضوع رجوعنا لبعض لاكنه طنشني يمكن الان له 4 شهور ولاعاد صار يجيب طاري الموضوع ولا حتى حاول يكلمني مع اني معطيته فرصه يتكلم معي واتس لاكن رقمي موجود عنه في جواله ولما يحط حالات واتس اشوفها بس ما اخليه يعرف اني اشوفها ولاكن انا يابنات صايره افكر في موضوع الزواج والعمررر كثير لدرجة تعبت نفسيتي وصار عندي قلق وتوتر وارق عمري 33 وعمر طليقي 34 حاولت اني افكر واجرب تجربه ثانيه واعيش حياه جديده بس اخاف من التجربه الجديده وخصوصا بنتي كبيره عمرها 11 واخاف تتاثر نفسيا وتفقدي مع ان امي موجوده الي يعطيها العافيه لاكن لما افكر بعقل اقول بنتي مع ابوها بترتاح اكثر نفسي ارجع له بس مو عارفه كيف ما اقدر ابداء معاه في الكلام كرامتي ماتسمح لي افتح معاه موضوع ابغاه كالعاده هو الي يرسلي ويحاول يرجعني صار موضوع الزواج واني استقر واجيب عيال قبل لا تمشي السنوات ويضيع عمري وشبابي شغلني جدا جدا وصرت ندمانه اقول ليش مارجعت لي ابو بنتي من زمان اش الي خلاني رافضه لين ضيعت من عمري 6 سنوات ( لاكن الي قاهرني طناااشه في الموضوع يجي ويشوف بنته ويروح ولا جيب لبنتي طاري الموضوع زي قبل ومطنشني طيب لما انته تبغا تطنش في النهايه ليش 6 سنوات ماتعبت فيها وانته كل شوي تراكض ورا بنتي وتقولها كلام عشان توصله لي وأوافق ارجع ولما وافقت وقلت موافقه ووصلنا لانه يكلم ابوي طنش وانا انتظر ) احس حتى حظي واقف مايجون لي خطاب كفو وعندي فراغ كبير في حياتي وملل ومورعارفه كيف اسعد نفسي ولا اشغل نفسي ولا ارتاح بحياتي ايش اسوي يا بنات حتى موضوع الخطابات ماش مو ضابط معي ابغا عائله وانسان يشاركني حياتي ويهتم فيه واحس بطعم الحياه والاهتمام والاحتواء الواحد يطفش من الوحده ودك في احد يكون قلبه معاك وتستمتع بيومك معاه . انصحوني اخاف ادخل بمرض نفسي من التفكير والهم حتى موضوع وظيفه انشغل فيها مافي مع اني جامعيه لاكن الله يرزقني ويوسع علي ويسعد حياتي وجميع من تقراء .