انتفاخ بالغدد اللمفاويه

السلام عليكم ورحمة الله وبركاته
كنت دايما اقرأ هنا وادعيلكم بس ماتوقعت يجي يوم اكتب موصوع يخصني والحمدلله على كل حال
بداية حالتي من زمان وانا الاحظ انتفاخ قاسي تحت الذقن مباشرة لما ارفع راسي على ورى يمكن لي 6 سنوات حجمها زاد عن اول
البارح قررت اني اروح واكشف عن سببها بالبدايه الدكتوره قالت لي مالازم وهذا كيس دهني بس انا اصريت وحولت لي على
الاشعه التلفزيونيه الاخصائي لما قام يحط السونار على رقبتي طول وهو يسالني من زمان فيك هذي تحسي حجمها يزيد تحسي بارتفاع حراره دايم وزنك قاعد ينقص انا هنا ضاعت علومي قلت ليه مو كيس دهني قال لا عقد لمفاويه ومنتشره بالرقبه كلها واللي خايفه منها وبارزه طلع حجمها نص سانتي وطلعت اللي جوا وماني شايفتها ولاني حاسه فيها هي الاكبر


يقولي على الغده الدرقيه نفسها يقول الغده شكلها زي الفيونكه حجمها من كل فص 2سم وانتي عندك من جهة اليمن 5سم واليسار 4سم


وقال لازم تسوين خزعه لها عشان يتاكدون منها
ونزلت للدكتورخ وتكلمت كثير معاها تقول يجون حالات كثيره وعادي اغلبها تكون مجرد التهاب او حميده
لكنها استغربت تقول معقول عندك 3 اطفال كيف كانت تحاليل الغده عندك قلت مدري ماقالوا لي شي وقامت تسالني عن وزني واذا اكلي كثير وووزني مايزيد قلت لها ان وزني قليل من زمان وانا نحيفه بس اكلي كثير وما يزيد وزني


الغريب اني رايحه عشان الكتله الصلبه البارزه وطلعت الغده الدرقيه هي اللي فيها البلا
ابي اسالكم من مرت بتجربتي او سمعت بحاله مثل حالتي وهل تسافت وكيف كانت نوعيه العلاج
وهل حجمها كذا طبيعي وحده 3سم والثانيه 2 سم وكمان فيها التهاب في الغدد الثانيه حول الرقبه


الخزعه كيف هل تؤلم هل تسبب ضيق بالتنفس لما يعطوني الابره المخدره ؟؟


اسئله كثير ودي اسالكم عنها لكن اكتفي بهذا القدر
يارب فرج همي وهمكم يعلم الله اني بحاله صعبه وبس اطالع باولادي وخايفه مرا والحمد لله على كل حال