انتفاخ في المهبل اسألكم بالله تطمنوني :(

بنات انا لي 47 يوم من ولادتي ، و الحمد لله اموري كانت كلها تمام ، بس من خمس ايام لاحظت انتفاخ بسيط مغطي فتحة المهبل حسيته بيدي وانا في دورة المياه وانتم بكرامه حتى انه مو طالع و لا ينشاف الا اذا انسدحت على ظهري و شفت المكان بالمرايه من داخل يعني مو مبين ابدا من بره و ما معه اي الم او نزيف و استغربت لانه قبلها يوم خلصت الاربعين بالتمام شفت نفسي في المرايه و ما كان المكان كذا بالعكس كان مثل قبل الولاده و في نفس اليوم (الاربعين) كان عندي مراجعه عند دكتورتي و فحصتني و طمنتني كل شي بخير, بس رجعت من الدكتوره بيوم كنت بطلع مشوار و بالاستعجال رفعت كرسي السياره حق بنتي وهي فيه بسرعه و لحظتها حسيت بألم في ظهري بس اختفى الالم اخر اليوم و من ثاني يوم بعدها و انا اتشطف حسيت بالانتفاخ ، دورت في النت و عرفت انه ممكن يكون نزول في الرحم و من وقتها و انا بس ابكي و صابني اكتئاب كل ما قرأت عن الموضوع اكثر خفت اكثر، هذا اول طفل لي ، المواقع الطبيه العربيه و الانجليزيه دورتها كلها ما خليت دراسه او بحث او مقاله علميه او تجارب شخصيه ما قرأتها ما طمنتني ابدا كل كلامهم عن انه ماله علاج و يستمر مع الحرمه الى اخر العمر و يأثر على العلاقه الزوجيه و يمكن ما تجيب الام اطفال و ممكن مضاعفات تسبب سلس بول و ممكن استأصال رحم اذا زاد النزول ، ممنوع ابدا الرياضه و الوقوف لمدة طويله وحمل الاوزان حتى لو نسبيا خفيفه و عدم لبس اي ملابس تضغط البطن علشان ما تزيد النزول, قسم بالله يبنات من يومها و حالتي حاله و لا اكل ولا عاد استمتعت باي شئ انا في غربه و زوجي المسكين مطنشته مع اني طهرت من اسبوع بس ما سمحت له يقرب مني كل ما لمح اصرف اني تعبانه بنام او برضع بنتي . احس انه خلاص انا مو انا مو قادره اشيل التفكير من راسي


استحلفتكم بالله يبنات مين صار معها مثلي و اختفى مع الايام و ارتفع الرحم عندها و ما صار لها مضاعفات و مين حملت وولدت بعد هالمشكله؟؟؟؟


من الي قرأته انها مشكله شائعه و 40 % من الامهات تصير معهم بعد الولاده بس اول مره ادري عن هالشي و لا عمري سمعت عنه ، من يوم ما عرفت و انا بس سرحانه و ما ادري عن نفسي شيء و ال بس ابكي و ادعي ربي يشفيني من عنده شفاء لا يغادر سقما. ما قلت اي شي لزوجي و هو مستغرب حالتي و يسألني ايش فيك .


انا من قبل و بعد الولاده اصلح تمارين كيجل و الى الان مستمره فيها و مفكره اخذ موعد في اقرب وقت مع دكتورتي و اشوف ايش بتقولي