يابنات جزاكم الله خير ابي منكم حل قسم بالله اكتب لكم وانا نفسيتي بالارض من كثر ماهي دمرانه
مشكلتي اني انسانه طبيعيه مافيني اي مرض وراثي ولكني جنيب على روحي بيدي وصلعت بنفسي من كثر ما انتف شعر راسي واحفره تخيلو ان عندي عاده من 10 سنوات يمكن هي تقطيع شعر الراس
بحيث اني يوميا وكل وقت يدي بشعري احفره باضفري لين استخرج البصليه مكوره مع الجلده والشعره متعلقها فيها واسحبها افغصها بيدي او افصلها عن الشعره واكلها
امانه ماحد يضحك او يرد علي رد يجرحني وربي ماتعرفون يمكن تدور الدنيا تبقون مثل حالتي
وربي ذي مشكلتي من سنين
بسببها صرت صلعاء وراسي كله جروح من ضافري ودم وفوق كذا تطلقت وانعزلت عن المجتمع بسبب شعري
وربي هذا شي غصب عني يابنات حاولت اتركه بكل الطرق ماقدرت حلفت على المصحف ودعيت لروحي بمكه وبكل صلاة يفكني ربي من ذا الابتلاء ماقدرت حتى الطب النفسي راجعتهم بعد
وفوق هالمشكله كلها توجهت للحبوب اللي تطله بوجهي وصرت افقعها واعصرها واحك الجلده لين اطيرها ويصير مكان الحبه مع الايام بقعه سوداء يعني انا اعاني الان من حالتين تقطيع شعر الراس وتعصير حبوب االوجهه
ساعدوني جزاكم الله بنصيحه
اي والله العظيم احتاج وقفتكم معي عشان اتخلص من ذا المرض
يمين بالله حتى وانا اكتب لكم جالسه اقطع شعري
وقبل شوي بشرتي
الله يشفيني وكل مسلم يعاني مثلي ويتفضل علي بالشفاء والعافيه وراحه البال وياكم
واللي ماعندها القدره تساعدني تدعيلي امانه عسى الله يفرج همها

مطلقه صغيره @mtlkh_sghyrh
عضوة جديدة
يلزم عليك تسجيل الدخول أولًا لكتابة تعليق.

اه الله يشفيني ويشفيك مشكلتك اتوقع
وسواس قهري
انا زيك بس بجسمي
روحي طبيب نفسي يصرف لك دواء للوسواس
واصبري ع الاواء لا تتركيه بالبدايه تحسين بعراض تحملي
والله راح تتحسنين وتنسين
بنت عمي كان عندها وسواس والحمدلله اتحسنت
وانا ليومك ما قدرت اصبر ع الدواء عملي قلق شديد
اه انقهرت ماتحملنماتحملت الدواء النفسي
يبغاله صبر شوي ويعالج حاولي تروحي لطبيب نفساني معروف
وسواس قهري
انا زيك بس بجسمي
روحي طبيب نفسي يصرف لك دواء للوسواس
واصبري ع الاواء لا تتركيه بالبدايه تحسين بعراض تحملي
والله راح تتحسنين وتنسين
بنت عمي كان عندها وسواس والحمدلله اتحسنت
وانا ليومك ما قدرت اصبر ع الدواء عملي قلق شديد
اه انقهرت ماتحملنماتحملت الدواء النفسي
يبغاله صبر شوي ويعالج حاولي تروحي لطبيب نفساني معروف


لاحول ولاقوه الا بالله الله يشفيك ياقلبي
طيب ليه ماتغطين شعرك وتهتمين فيه وتحطين حنا او سدر ويصير اغلب الوقت مغطى علشان ماتلمسينه
او افركي فروه شعرك بالثوم
ادعي ياقلبي ان الله يشفيك من هالبلاء وحاولي تشغلين نفسك باي شي
انا قد جتني حالتك ذي بس الحمدالله عالجتها بسرعه وماطولت معي
اسال الله العظيم رب العرش الكريم ان يشفيك عاجلا غير اجل انتي وجميييع المسلمين المبتلين امين يااارب العالمين
طيب ليه ماتغطين شعرك وتهتمين فيه وتحطين حنا او سدر ويصير اغلب الوقت مغطى علشان ماتلمسينه
او افركي فروه شعرك بالثوم
ادعي ياقلبي ان الله يشفيك من هالبلاء وحاولي تشغلين نفسك باي شي
انا قد جتني حالتك ذي بس الحمدالله عالجتها بسرعه وماطولت معي
اسال الله العظيم رب العرش الكريم ان يشفيك عاجلا غير اجل انتي وجميييع المسلمين المبتلين امين يااارب العالمين

الصفحة الأخيرة
مشكلتك حلها بايدك ..
انا مااقدر اساعدك لان مااعرف بداية المشكلة وسببها
حاولي تهدي نفسك تبعدي القلق والتوتر الشديد والتفكير
ومشكلة الطلاق زادت عليك وجعلت تبتعدي عن المجتمع
اختي بداية الامر انتي تشدي الشعرة وتؤلم اكيد
البسي باندانة او ربطة غطي شعرك حتى ماتلمسي الشعرة
وابدئي عالجي شعرك غذيها بالزيوت والحناء او السدر
وخذي علاجات تقوي الشعر وفيتامينات
ترا استمرارك لهذا الشئ راح توصلي لصلع وتموت البصيلة وماعد تقدري تعالجيها
هل تحبي يوصل الامر لهذا الشئ ؟؟
انتِ مازلتي صغيرة وحلوة اهتمي بصحتك وغذائك
الحبوب نفس الشئ
اعرفي سببها هل بسبب توتر او مشكلة هرمونات او بشرتك دهنية
اشتري غسول يناسب بشرتك وخذي كريم اسمه بنزويل بروكسايد اعتقد اسمه كذا وحطيه على كل حبة
وضعي ماسك من الزبادي ولكركم على بشرتك واستمري حتى يضيع الأثر او خذي ماسكات جاهزة من الصيدلية تناسبك
ابدئي بالاهتمام بنفسك لاتهمليها
لاتنطوي على نفسك اجلسي مع امك واخواتك مارسي هواياتك لاتحرمي نفسك
التحقي بحلقات تحفيظ والمنتدى متواجد فيه
ابدئي بالرقية الشرعية اقرئي ايات السكينة واستمعي لها
والشفاء
اشربي ماء زمزم وادعي
اجعلي لك ورد تلاوة وقيام الليل كيف هي علاقتك بالله ؟؟
اجتهدي ياغالية اكثري الاستغفار والذكر
واقرئي سورة البقرة كل 3 أيام والصيام ولاتهملي قيام الليل
غاليتي ابدئي كل شيء بالتدريج وان شاء الله كل شيء يتغير للافضل والاحسن
بس الامر يحتاج لاجتهاد منك وإرادة وعزيمة
ابدئي وبشريني عنك
اسال الله العظيم رب العرش العظيم ان يشفيك ويشرح صدرك ويفرح قلبك بدعوات لا ترد