انتقالك من شقتك..الى شقه اخرى والامور الواجب مراعاتها....؟؟

السلام عليكم كيفكم يابنات
فيه موضوع شاغل بالي..وهي اني بنقل بشقه اذا الله كتب ووفق
لاني ساكنه مع اهل زوجي والمكان ضيق علينا
وهي عند انتتقالك من شقه الى شقه وش الامور اللي بتراعينها..

وكيف مثلا ترتبين الشقه الجديده..اغراضكم الشخصيه ملابسكم..

المطبخ...غرفه الجلوس والمجلس والصاله وتكرمون دورات المياه...

يعني انا مثلا كرهت السراميك في غرفه النوم للزوجين والاطفال لانك بتستخدمينها كثير
..فمو كل مره بتمسحين وتنظفين تعب... والصاله كذلك عقدني السراميك ..لاني دايم اجلس فيها مع

ابونا وولدي ودايم تتوسخ بسرعه ولايطيح ولدي ويتعور ...الخ

انتوعارفين السيراميك يحتاج تنظيف يومي وانا اكره اشوف بقعه مويه فيها...وتتعبني نفسيا احس البيت كله مونظيف...

يعني حاطه في بالي افرش الصاله وغرف النوم ..اما مجلس الرجال والحريم يظل بالسراميك

طبعا اذا كانت الشقه ذات طابع حديث

طفلي لما اولد تقريبا يكمل سنتين اخليه معي بالغرفه مع العلم ان ابوه موراضي ولااحط ملابسه وحاجاته والعابه بغرفه ثانيه مستقله وكيف تررتيبها..

غرفه الملابس والاغراض اللي ماتستخدم بكثره مثل ملابس مااحتاجها ولابطانيات
..وتكون لنشر الغسيل كيف يكون تنظيمها...
وش الضروري اللي لازم تتبعينه فيها

احب اثاث ايكيا اللي بالرياض فهل فيه اثاث مشابه له.

.بالشرقيه ويكون اسعارهم في متناول الجميع

والشي الثاني اللي افكرفيه...وشاغلني ليل ..نهار...انا بنتقل لها بإذن الله قبل لااولد بشهر هل احتاج احد يساعدني في الترتيب ولا ماشيل هم كوني بشهري الاخير...

كيف اودع اهل زوجي...على الرغم من علاقتي الطيبه معهم الا انه حدثت مناقشات وكلام

وسوء تفاهم ((علما بان الامور حاليا ماشيه تمام))... لاني ابغى اطلع بشقه خصوصا ام زوجي الله

يحفظها احس انها شايله علي لاني قلت لهم بصريح العباره ابغى شقه ارتاح فيها باالاضافه الى كون

هذي الشقه صغيره وتفتقد مقومات الشقه الاساسيه...وهل اذا سكنت فيها اعزمهم ولا انتظر يزوروني

من نفسهم..

اعذروني اطلت عليكم وادخلت كذا موضوع من تاثيث وديكور وكذلك عده استشارات

اتمنى ان اجد الحل الشافي منكم فما خاب من استشار...

ودمتم بخير لحين عودتي مره اخرى اشوف ردودكم