انتقلت من قسم تأخر الحمل إلى قسم الحوامل اللي عايزة تعرف ليه تدخل

بسم الله الرحمن الرحيم
أنا حبيت أحكي ليكم تجربتي الخاصة عشات تقتنعوا وتعملوا بيها
بصوا بقي أنا متزوجة من أربع سنوات ولم أحمل قط وكنت بأخذ كلوميد والحقنة المفجرة وحاجات تانية كتير لكن التبويض مرة يمشى مضبوط ومرة لا والدكتور يقولي ياريت انقص وزني وفعلا أخس شوية وبعدين أكتئب وأرجعهم تاني وزوجي حلل وقالوا له يأخذ مقويات لكن مفيش فايدة والتجأت لعملية التلقيح الي هي بـ 500 جنيه وسبحان الله في اليوم ده وأنا راجعة وقعت من على سلم المترو وطبعا العملية فشلت
المهم قررت أترك العلاج خالص ودخلت ع النت كتير وجبت الأعشاب دي من مواقع متخصصة وبصوا بقى
أول شهر مشيت على عشب الميرامية ( المرمرية ) كوب أو اثنين على حسب مقدرتي وسبحان الله انضبطت الدورة اللي عمرها ما كانت تيجي في ميعادها إلا بالعلاج ، الشهر الثاني مشيت برده على المرمرية ولكن كوب واحد لأني كنت بأخذ من 5 يوم الدورة ( بذر الشبت ) في العشاء ولا أتعشى وعلى فكرة ده الشهر اللي حملت فيه الحمد لله لكن المهم يا بنات مع هذه الأعشاب كنت بأخذ كل يوم الفجر أنا وزوجي هذه التركيبة ( نصف كوب ماء مطر أو ماء زمزم + نصف كوب لبن + ملعقة عسل أبيض والدعاء باللي نفسي فيه وزوجي يشرب نصفها وأنا النصف الأخر وطبعا مع المداومة على صلاة الفجر وساعات كنت بصلي جزء من الليل ، وكمان كنت باستغفر كتير جدا مش 100 ولا 300 أكثر وطول ما في وقت فاضي وكمان بقيت أنزل أصلي في المساجد مع كثرة الدعاء والله يا بنات مكنش مصدقة لما عرفت ............الحمد لله وعلى فكرة لما كنت بكون مع زوجي بعد الجماع كنت بأضع يدي على بطني وأقول ( اللهم إني أستودعك ما في رحمي فاحفظه لي فأنت أعلم به مني ) وأكررها
يا بنات والله والله اللي مشكلتها في التبويض فقط ومفيش حاجة محتاجة جراحة صدقوني هو ده الحل ، وعلى فكرة كل ده كان مع بعضه في نفس الشهر وكمان حاولت أصالح بعض الناس اللي كان في بيني وبينهم زعل مع إني مش أنا الخاطئة ، وبقيت مع زوجي أحاول أخليه إن كل صلاة يصليها في المسجد على قد ما قدرت وكنت دائما أدعي له بالهداية في صلاتي
صدقوني يا جماعة امشوا ع الموضوع ده وردوا عليه وعقبالكم كلكم
على فكرة زوجي أخذ مع العلاج عسل نحل علطول وداوم عليه وبقي يأخذ كل يوم ملعقة الصبح ع الريق قبل موضوع الحمل ده برده بشهرين
وأرجع أقول ما هي إلا أسباب والرزق من عند الله:26::love::40: