انتم احكمو هاالمره وانا راضيه

السلام عليكم ورحمة الله وبركاته
اللي تعرفني،، مافيه شي جديد،، حياتي مع زوجي مره مد ومره جزر
مره اطنشه ومره القاه عادي ماخذ الموضوع مو اكبر همه،،
المهم اللي صار اليوم مره اوجعني مدري ليه
على كثر مامريت بصدمات الا ان موقف اليوم مره نرفزني ،،
تخيلو البارح مره زعلني وقلت كل اللي في خاطري او هو نفس الكلام اللي اقوله كل مازعلني
دايماً اقوله اذا ماتبي اتركني في حالي ولا عيشة الذل ذي
اليوم قعد ،، حسيته زي اللي ندمان،،
لكن نذل الا يخرب علي يومي
قالي الاغراض اللي ناقصه اكتبيها لي
قلت بس خضار هات،،، قال واذا خضار بس ماتعرفين تكتبين،، صدقيني لو اهلي قالو ناقصنااغراض ماراح احاسب الا انتي
واذا مو قايمه باالبيت هذا زي بيتك ترا هذاك بيت اهلك روحي له
انا انصدمت،،، وش قلت انا عشان يرد علي كذا
ووش سويت،، رديت عليه طيب انا وش قلت عشان يكون هذا ردك،،، بصراحه انفجرت وانهرت من رده،، قلت له اتركني في حالي تراك اشغلتني الله يشغلك،، والله ان جسمي كله يتراجف ويديني مو قادره اثبتهم
باالفتره الاخيره مع زيادة المشاكل صار جسمي مره يتعب ويرجف ووزني نزل كثير،،،
طبعاً رد علي كاالعاده راح اعطيك ثلاث ايام وانتي قرري ياتبقين يااطلقك
وجلس يدعي علي مع الآذان،،،وحط لي حظر
مدري ليه سوا كل هذا وايش الخطأ اللي ارتكبته