على حسب مزاجي التنظيف العميق والأهم ان مايكون مكركب مااحب الكركبه والحوسه مثل المخدات والألعاب متناثره بكل مكان ومايكون فى غبره ..
انظف واكنس كل 3ايام لأن البيت كله موكيت يعنى مافى مسح غير المطبخ ويفضل نظيف وغرفتى لزم تكون نظيفه ومرتبه وقفلها وجلستنا دائم بغرفه ولدى اذاكرله ويجلس يلعب فيها بالعابه مع اخوه وإذا خلصوا يلمون كركبتهم يعنى حوستهم بغرفتهم وعودتهم مايوسخوا ويحوسوا عشان كذا ماتعب معهم لأنى ارشدهم وعلمهم بنظافه واراقبهم .. وطفل على ماتعود .. والأكل احيان ناكل بالمطبخ الصاله مااحب الحوسه فيها للجلوس بس والمطبخ تنظيف دايم مثل الغاز ومسح سطح الدولاب والأرضيه وغسل الصحون علشان ماتتراكم عليا الصحون .. والحمامات وانتو بكرامه كل يومين .. والحمدالله

عندي شغاله مع كذا اتعب واعاني من التنظيف والكرف الغسيل عليه وغرفتي عليه انا والشغاله ومع كذا ما الحق احب اشوف كل شي نظيف بس تعبت واحيانا اشوف واطنش العمر يخلص والشُغل مايخلص وزي ماقلتي اسمع هياط الحريم واشوف شي ثاني اسمع الواحده ماعاد الا تقول انها مواصله الليل والنهار ببعض تنظف ادخل بيوتهم ما اشوف شي من اللي قالوا وفيه حريم الشهاده لله قمة النظافه ماشاء الله لاقوة الا بالله
بس والله تعبنا عشان كذا لازم نتغاضى نغض الطرف عن بعض الاشياء

انا بيتي انظفه مرررره هذاك التنظيف اللي يكسر الظهر يمكن مره بالشهر
ماعندي اطفال ولا ضيوف ولا احد يدخل بيتي غير زوجي
الاشياء المهمه اليوميه زي غسيل المواعين والملابس والترتيب بشكل عام وتبخير البيت او تعطيره هذي دايما
الكنس والمسح كل 3 ايام تقريبا
والحمامات في الاسبوع مره لانها ماتتوسخ ع طول
واحيانا اتكاااسل وتمر ابام ماسوي شي واذا جاني احد نظفت مره او قبل ماسافر لازم المع البيت وبس

انا بيتي دايما نظيف من كل شيء مواعين سيراميك كنس ملابس كل شيء مرتب
لاسباب اولها متابعتي وطريقتي بالترتيب وثانيها ماعندي اطفال يحوسون وثالث شيء قليله طلعاتي بحكم ان اهلي بمنطقه وانا بمنطقه فااحط حيلي بالبيت

الحمدلله دايم مرتب والتنظيف العميق مره بالاسبوع
بس اليومين اللي قبل الدوره يقلب بيت هنود ههههههه كسل مو طبيعي