شوفي ياعمري باقول لك شي يريحك ويريح كل وحده مصابة بالحيرة والدهشة من الحريم الخارقات :25:
السوبر ومنات :10:
انتوا شايفين كيف صايرة الايام ؟
ماتخلصين صلاة الفجر الا والعشاء أذن !!!!
ابد ماتلحقين تحكين راسك الايام صايرة سريعة بشكل غريب ماتلحقين تسوين شغلتين الا واليوم مخلص
بالله عليك الحريم اللي يخرعونك ويقولون ترانا نسوي ونفعل ومدري ايش تتوقعين انهم 100% صادقات
طيب نقول انهم صادقات ماشاء الله سنعات بدرجة اعلى من الطبيعي هذي معقولة لاني اعرف حريم كثير كذا
لكن اللي تجي تقول لك انا اسوي وافعل كذا كل يوم كل يوم كل يوم بدون انقطاع
قول لي لها وبكل ثقة انت كذابة ومهايطية
لان مستحيل يمر على الانسان 4ايام وراء بعض وهو بنفس المود الحلو وبنفس الطاقة و النشاط العاليين
الا مايمر عليك يوم في الاسبوع وانت مريضة او مانمت زين او مشاكل في البيت او النفسية تعبانة
في الايام اللي كذا والوحدة ياالله ياالله انها تقوم بالاساسيات من رعاية العيال ووالزوج من طبخ وتلبية طلباتهم
مو تقوم تدهر كنس وتلميع وشيل وحط اتحدى
الحمدلله كلنا نظيفين لاننا مسلمين فشي طبيعي بيوتنا بتكون نظيفة
لكن مستحيل تكون كل يوم تبرق ومعقمة تقل مستشفى :lechz:
فوسعي صدرك واهتمي في بيتك بس لا تذبحين نفسك ولا تلتفتين لكلام الناس ترا حتى لو قتلتي نفسك في التنظيف الا مايطلعون لك عيب نظفي بقدر استطاعتك علشان نفسك واهل بيتك لان النظافة المعقولة تريح وتسكن النفس

ارتب الغرف الي نجلس فيها كل شوي وغرفت نومي اما التكنيس يوم بعد يوم والمطبخ كل يوم اغسل المواعيمن واعطي بيتي من النظافه متوسط صراحه لاهو الي يلق ولا هو الوسخ

البيت بيت اسمه بيت يعني اكثر مكان تاخذون راحتكم فيه وتبعزئون
اهم شي مجلس الضيوف مرتب نظيف مبخر مقفل بالمفتاح وصدقيني بيبقى مقفل شهور هههههه محد يسير الحين ابدا
اما بقية البيت خذو راحتكم فيه قربعوا لاتوسوسون ولاتجننون اطفالكم حط شيل تعال روح ارفع نزل رتب لقط الخ
اخر اليوم رتبو كلكم ونامو
شوفو مقاطع الاجانب في اليوتيوب كل بيوتهم على فخامتها حوووووسه والعابهم منثره بكل مكان
اكيد اخر اليوم يرتبون
اهم شي غسيل المواعين واخراج الزباله لان هذول الاثنين يسببون ريحه في البيت وممكن حشرات
انا هذا نظامي
والملابس مره بالاسبوع
حتى اذا احد جاكم فجأه مافيها شي لو شاف قرابيعكم الظاهر عنده بيت وقرابيع اهم شي المجلس اللي بيجلس فيه
يكون زي ماقلت جاهز لاستقباله

لواحد يجيني فجاه ويدخل بيتي الحمدلله نظيف علاطول ومبخر والمغاسل والحماامات نظيفه لو مو كل يوم انظف بس اهم شي يكون نظيف ...عندي المبخره الكهرباءيه رووعه وسريعه والبيت مكنس علاطول ..

اكيد دوم نظيف ومبخر لي ولنفسي قبل الناس
ما حب اجلس وحولي مو نظيف وانا مريضه وتعبانه اقوم وانظف ولا اقدر اقعد والبيت مو نظيف كاني موسوسه😝😍😂