انتم رحتوا السوق ذاك اليوم وشفتوا الـ ..... !!!!؟

عن النعمان بن بشيرعن النبي صلى الله عليه وسلم قال:
( مثل القائم في حدود الله والواقع فيها كمثل قوم استهموا على سفينة
فصار بعضهم اعلاها وبعضهم أسفلها، وكان الذين في أسفلها إذا استقوا من الماء
مروراً على من فوقهم، فقالوا: لو أنا خرقنا في نصيبنا خرقاً ولم نؤذ من فوقنا ،
فإذا تركوهم وما أرادو هلكوا جميعاً ، وإن أخذوا على أيديهم نجوا ونجوا جميعاً )
رواه البخاري

يعني تعرفون وش معنى هالحديث :(

كما بين النبي صلى الله عليه وسلم ..
** أن الركاب إن (داهنوا) أو (سكتوا) عنه هلكوا جميعاً .. ( الله لايقوله )
** وإن أوقفوه عند حده وقاموا بتغيير هذا المنكر وتحذير الناس من هذه الفعلة الشنيعة
نجوا جميعاً .. ( بـإذن الله )
وهذا اللي صار بتسونامي أُغرقُوا كلهم :/
لا وطلعت ألحين شي يُفتخر فيه وتجاهر بالمعصية أسمع أغاني كذا ,, البس عباية كذا ,, تفتخر أكلّم فلان وعلّان وهذا أخطر من المعصية نفسها الله يستر عليك تقومين انتي اللي تفضّحين بعمرك :eek:
زي أذكر حديث يتكلم عن هالشي خلني أجيبه .. هذا هو ..
((( { كل أمتي معافى إلا المجاهرون } باتوا وقد ستر الله عليهم ثم هتكوا ستر الله فويل ثم ويل وويل لهم من عذاب يوم القيامة وأما الذي يفعل المعصية ويستر الله عليه فلا يكشف ستر الله عنهم ويستغفرون الله يقول لهم الحق يوم القيامة عبدي أتذكر ذنب كذا وكذا فيعد له ذنوبه فيقول العبد والله لقد هلكت فيقول له الحق جل وعلا عبد ألا وقد سترتها عليك في الدنيا وها أنا اليوم أغفرها لك أذهبوا بعبدي إلى الجنة )))

يعني عندنا المجاهرة مثل شربة المويه مثل يجيك واحد يقول خلاص ناويها تايلند مثلا لا ويسوي فيها بطل ويجيه الثاني يقوله اخس ياحركآآآت هذا بدال ماينصحه والا يقوله شي :/
والا حقين المغرب حاجه ثانية ذاك اليوم في اليوتيوب عن حليمة بولند وماأدري ايش يجيك الناصح ووش يقول .. أنا مجمعلي كمّن قرش متى تجي العطلة ونروح المغرب مشتاقلها مووت :32:

من ألحين نبي نبدأ حملة معاً حتى لانكون تسونامي :frown:أبدئي انتي انصحي اللي تمونين عليهم من خالاتك وبنات خالاتك وعماتك وبناتهم ,, جيرانك وراح تجرئك على شوي شوي لين تشوفين نفسك رحت تنصحين اللي ماتعرفينهم قوّي نفسك قولي أقدر أسوي انكري الشي بلسانك ويدك وحاولي لاتقولين ماأقدر ونصيحتك لازم تكون باسلوب موب تروحين تنازقين عليها :biggrin: (( ولو كنت فظاً غليظ القلب لانفضوا من حولك))..

واذا ماقدرتي قلتي استحي وماأتجرأ واني اذا نصحت يشبّون علي ويسبوني حاولي طيب تكون نصيحتك كتابية يعني نشرات توزعينها سواءً عن العباية أو الصلاة أو الاغاني الشي اللي تشوفين منتشر في مجتمعك وراح يُكتب لك ان شاء الله أمر بالمعروف :love: .. بس أهم شي لاتسكتيييييييييييييييييين .. ولاتزعلين اذا جاك رد موش ولابد من وحدة هذا شي طبيعي لأنك واجهتيها بغلطها والانسان بطبيعته مايحب يعترف بغلطه وصدقيني في قرارة نفسها بتفكر فكلامك .. وأصلاً أحس انهم خلاص معد أحد يرد عليك رد شين الا الناقص كلهم يقولون الله يجزاك خيير ..
وفيه طريقة بعد مرررة سهلة اللي عن طريق النت والمنتديات تكتبين موضوع بكتابتك ض1
واذا عجازة حطي بتوقيعك مررة ماتخذ منك وقت واذا منتيب فاضية انسخي موضوعي والصقيه خخخخ .
وتقدرين بعد عن طريق رسايل جوال مثلاً ..

وانتم يالشباب بعد لاتقولون مانقدر والله ان المنكرات منتشرة عندكم أكثر من البنات مع اني متأكدة ان شاء الله ان فيكم خير ذاك اليوم في تراويح العشر الاواخر يقول اخوي ياكثر الشباب الصغار المعتكفين مرررة فرحت الله يثبتهم ان شاء الله ..

وبس غيض من فيض أتمنى انكم وصلتوا لهالنقطة وقريتوا الكلام وتطبقونه بعد مو تطلعونه من الاذن الثانية وماأسوي فيها داعية بس عن قوله فذكّر ان الذكرى تنفع المؤمنين :love: .. لأن السكوت عن المنكر يساعد المنكر على الانتشار والتمادي فيه وأبسطها عندنا يالحريم (فتش الوجه) أول شي استنكرناه على وحدة الحين شف الامّعات وش كثرهم في الاسواق :frown:
وأتمنى ان الموضوع عجبكم واستفدتوا منه وأتمنى ان الموضوع ينتشر سواءً في المنتديات أو الايميلات :22: ..

http://www.youtube.com/watch?v=sgYCNCW2z2M&feature=related
هذي اعصار جُونو حق عُمان رحمت اللي خذه السيل ::/

تكفوون مابي يجينا الدور :frown:



وقفـــة : راح رمضان والكل بذل ان شاء الله جهده بالطاعات ‘‘ طلع رمضان من هنا وقفنا انّا من هنا .. ليش ماتحط في بالك انك تغيّر فيك عمل معين يقربك لله وانك تستمر عليه لما بعد رمضان .. مثلا ماكنت تصلي صلاة الليل صل ركعة وحدة من بعد الساعة وحدة .. ماكنت تقرا قرآن احرص على انه مايمر يوم الا وانت قاري لو وجه واحد على الأقل .. ماكنت تصلي الا الفروض ابدأ صل السنن لأنها ترقع الصلاة المفروضة ولها أجر كبيير .. أو تكفلّك يتيم ,, أي شيييي المهم انك تحس انك استفدت وطلعت من رمضان بشي مفييد .. وكل سنة زد شي وهكذا .. والله يعيد علينا رمضاان علينا وانّا بصحة وعافية

اٌنًتًهَىِ

الله يجزاك الجنـــــــــــه ويحرم وجهك عن النــــآـآـآر


ان شاءالله انا معك معا حتى لانكون تسونامي

من اروع ماقرات مشكوره ياعسل وجعلها الله في موازيين حساناتك يارب

الله يجزاك بالخير

الله يجزاكي خير
ويحمي الهيئه ويخليها لنا دوم يارب
والله انك صادقه بكل كلمه قلتيها بس وش نقوول من حال الحريم الان !!
شي عجيب ومقرف حال السفور والتبرج الي وصلن له ..
ياحسافاة الى الشنب الي يمشي مع اهله وهم متبرجات والله انه يساوي جزمتي
الله يهديهم ويثبتهم على دين الحق