انتم ضد ولا مع هالتربيه لبزرانكم اللي سببتلي احراج امس تمنيت اني جنيه اختفي من الوجود

اهلين خواتي بنات حواء


















الصراحه مادري كيف ابدا بالموضوع بس السالفه ومافيها انه امس صارلي موقف لايحسد عليه

كنت بالمشغل وكانت فيه وحده مع ولده وبنته اعجبون عياله وقمت العب معهم واسولف مع امهم على بال مايخلص شغلي


المهم ومع مرور الوقت راح ولده يلعب شوي ورجع قال لامه يمه ابي ريالين جوعان قالت امه انقلع مانا معطيتك

جيت انا ناديته وقلتله تعالي حبيبي سولف علي عشان اعطيك ريالين

قبل لايسولف طلعت بوكي اثره به 3 ريال واخته كانت جنب اخوه تتسولف معه
واجي واعطي اخوه ريالين واخته ريال

فرحوا بهن اورهن امهم يوم شافتهن امهم وتقوم الدنيا وتقعده قالت لا رجعوهن قلت انا ليش يابنت الحلال هديه عشانهم يسولفون علي

قالت لا ابوهم امامنن ومايسمحلي انهم ياخذون من الناس شي

قلت يابنت الحلال هالمره عديه قلت اقول رجعوهن

والبنات اللي بالمشغل احسهن رحماتن

وانا صار وجهي كذا:mad:
الولد عطان الريالين انا من الهبله ومن هول الموقف قمت اخذت الريال من البنت الا شعوري واجيك واتذكر اني مصودمه وارجعه

يوم خلصت المره مشقره قلت خلي عيالك اوسع صدري معهم رغم الفشيله اللي جتن>>>>>وجه مغسول بمرق

قالت لامشكوره ابوهم اولابهم وقامت ترفع خشمه علي وبنته ماخذه الريال معه امغبيته وراه شافته امه قالت رجعيه بسرعه اجدعيه وتجدعه احس رحمت نفسي وانا اخذه
قلت والله ماخليه اشريبه ماء ابللبه ريقي اللي نشف من الفشيله واللي قهرن انه مسولفه معي يعني ماقطيت نفسي عليه ومع عياله




انا السوال اللي اتساله يوم انه تمنع عياله انهم ياخذون من الناس ليه

هل هالشي نهانا عنه الرسول ولا عيب اذا هالشي عيب عيب عليه هي انه تجرح مشاعر الخلق لاصارو بارين بعياله

وانا لاحظت هالشي بناس كثيرين يمنوعون عيالهم انهم ياخذون من الناس ليه

مرت اخوي امربيه عياله على هالشي يوم صار باخر عيد كنا مجتمعين عند جدتي الا يوم دخلو عيال اخوي بيسلمون على خالاتي وفرحوبهم وقامو يجمعون من القرقعان عشان يعطونهم


وبالنهايه مانحصل الا الفشيله يقولون مانبي وخالتي تلاحقهم خوذوا هدياكم يقولون مانبي ناخذ شي منك

انا ضاع وجهي

يوم قلت لاخوي السالفه قال ححنا امربينهن على انهن مايخذون شي من الناس قلت والله شي على حساب انكم تجرحونهن وتفشلونهن

اذا كنتو تظنون ان هالشي عيب عليكم انكم تردون خلق الله

الواحد يبي الاجر انه يفرح البزران والنتم تربونهن على هالشي

خير ان شاءالله انا ودي اعرف اذا هالشي منهي عنه فانا اربي عيالي لاعرست ووعيلت باذن الله على هالشي

بس انا ماشوفه لاحرام ولاعيب لا اذ الوحده محسسه نفسه عياله ناقصين ومحرومين وتحسب الناس يعطونهم رحمينهن

فشيله امس احسه تقرقع بقلبي قلت مو الشرهه عليه الشرهه علي اللي رازتن وجهي قدام عياله ومعطيتهم وجهه

رجاء اللي عنده رد يطير الفشيله اللي للحين وجهي تقل مكفخ بسبته ترد واللي ماعنده الا سوء الرد لاترد غنيه عن رد