ومآ أدرآك مآ الأحلام
اصحى من عز نومي على نغمة رسالة جوآل :
(فلانه فاتك حلمت فيك حلم رهيييييب اذا صاحيه اتصلي ابي اقولك )
<قريبتي !
رساله ثانيه :
(فلونه _تدلعني_ تكفين امي حلمت حلم كذا كذا ... وهي ضايق صدرها ممكن تشوفين تفسيره بالنت وتطمنيني)
<صاحبتي !
أفتح التلفزيون :
الا برنامج مشهور في دعايته يقول الشيخ :
(أنتم عليكم الاحلام .. وأحنا علينا التفسير)
<سلامات يا اخ !!
وفي قناة ثانيه :
(المتصله : ياشيخ حلمت ان امي تضربني ,,,
الشيخ : اذا مو متزوجه بـ تتزوجين ,,, طوط طوط <سكروا الخط خخ)
(هلوسة الأحلام)
او المنامات !!
او الرؤى !!
لا انكر وجودها وتحقيقها في بعض الاحيان,,,
فـ يوسف عليه السلام تحقق حلمه ومذكور بـ القران الكريم ,,
وسيبقى ذكره الى قيام الساعه ...
لكن البعض أخذها سبيل لـ معرفة المستقبل !
يحآول الاطلاع على مستقبله بأي طريقه كانت
المهم يعرف وش اللي راح يصير له !
ومين راح يتقدم لها !
وبعض الشيوخ لا اكثر الشيوخ
يفسر ولا يعلم حال المفسر له وهذا غلط,,
يعني ممكن تتصل البنت على شيخ ,, وتقول له :
ياشيخ رأيت ان ابن عمي يلبسني دبله <خاتم !
يرد الشيخ :
مبروك يابنتي مبروك
بيخطبك ابن عمك وتوافقين !!
::
وهو ما يدري البنت كانت تفكر فيه قبل تنام والا لا !
يعني ممكن يكون حديث نفس ومو إلهام !
::
ولا بعد زياده
تدخل وحده منتدى كامل تسجل فيه علشان الشيخ الفلاني يفسر احلامها
ويعلمها وش راح يصير لها مستقبلاً !!
::
وبعض الشيوخ ومنهم من هو اشتهر من لا شيء !!
تتصل عليه البنت على الهواء مباشره ويقول لا لا موضوعك شخصي
حطي رقمك الخاص عند الكنترول واتصل عليك اليوم او بكرا واقولك ,, ما ينقال على الهواء !
حتى لو الموضوع شخصي سلامات عيني عينك حطي رقمك واتصل <<وش هالفاضي !!
يضل هو بشر وهي بشر ,, والمكالمات الخاصه تعتبر خلوه !
انا ما اقصد شخص بعينه لكن
بعض الشيوخ المفسرين استغل ضعف البنات وضعف نفسه
وجرى وراء شيطانه ...
ماودي اطيل كلامي في الموضوع ,,
<لا بسم الله عليك ^^
ودي الكلام يكون لكم انتم , ونشوف تفكير بعض واراء بعض وبرضو نقنع بعض,,
المجآل مفتوح لكم
وماراح اقيّد الموضوع بـ نقاط نقآش
كل عضو يطرح رأيه من وجهة نظر ونصائح....الخ,, بترتيبه هو وتنسيقه,,
وفي الختآم
أأسف على تبعثر كلماتي ,, وعدم ترتيبها ,,
وأهم شي الفكره وصلت ,,
(أنتم عليكم الاحلام ... وأحنا علينا التفسير
(منقول)
بالفعل كثير من النساء صار عندها هوس تفسير الاحلام
تلقينها من يوم تصبح تجمع بأضغاث احلامها وتدور لها مفسر
مع ان الرؤيا لها شروط وعلامات
والعجيب ان الكل صار يفسر شيء بعلم وكثييييير بدون علم