انتم لي خوات

السلام عليكم خواتي ودي اقول لكم مشكلتي وحابه اسمع ردودكم بالموضوع .
انا بصراحه انزل بقروب خواتي مثلا لو عندي استشاره في بيتي بالاثاث او عجبني موقع وحابه اقلهم عليه او مرات اصور بنتي وانزلها بقروبنا في السناب وكذا بس ما يردون عليه يتفرجون ويطلعون ولما تنزل وحده ثانيه غيري الكل يتفاعل الكل يكتب حتى لو سالفه تافهه . مره نزلت لهم موقع مره جميل ومدحته وكذا وما احد رد بعد فتره نزلته بنت اختي والكل حمل البرنامج ووحده منهم كل مره تدعي لبنت اختي الله يوفقها عرفتها على الموقع وكذا مع اني نزلته لهم يستفيدون ، ساعات احزن واحذف البرنامج واغيب ايام وارجع احمله ما الاقي اي احد سال عني ، اذا يبون خدمه مني يتصلون حتى اتصالات بس غير كذا لا ، حتى امي تفرق بيننا بس عادي امي ما ازعل منها لاكن خواتي كلهم ليه، انا اراجع نفسي دايم انا متاكده ماغلط على احد ليش الكره هذا لي؟ انا اتصرف على طبيعتي وماتصنع اي شيء مرات يعجني شيء اعبر عنه يقمون ينتقدون حركاتي انتي تبالغين او وجه نظري دايم ينتقدونها . لما صرت ما اسال عنهم ولا اتصل وصرت ابعد عن كل الناس وعطول وحيده ودايم احس بالم بصدري من كثر ما ابكي بصراحه ما احد يعرف معاناتي من يوم ولدت وانا اعاني كل مره تطلع لي مشكله بحياتي وانا مو مرتاحه بحياتي مع زوجي احاول قدر الامكان اتقبل واتثقف وادور على حلول لمشاكلي معه . مريت بمشكله قويه هدت حيلي كتمت بصدري لين صار يجيني الم قوي واحاول اتنفس واروح اصلي وادعي وحاولت احلها بنفسي مالي اي احد يساندني . لي خوات واهل لاكن بعيدين عني ما معي الا رب العالمين وحده يمدني بالقوه .