انتم مثلي ...؟ كل وحده عايشه بعيد عن اهلها تشرفني بدخولها

صباح الخير

ما ادري كيف ابدا بالموضوع او الاستفسار بس انتم مثلي ..؟
انا متزوجه وعندي ولد وبنوته وعايشه بالشرقيه واهلي بالرياض
وزيارتي لهم تقريباً مرتبينها على حسب مناسبات اهلي واهله و ع حسب مواسم السنه
يعني تقريباً كل شهر او شهر ونص بس الفتره الاخيره يصير عند زوجي مؤتمرات و اجتماعات
حول المملكه وخارجها : (
وين المشكله ؟؟؟؟
المشكله اني مليت من كثر السفر وروحات الرياض حتى عند اهلي صرت ازهق : (
مااسرع ما ارتب جدولي الاسبوعي من جمعات مع صحباتي او قضاء مستلزمات او زيارات للقرايب الخطافيه .. الا يجي ويقولي يوم الفلاني عندي اجتماع او عمل او الخ ...
مايخالف مؤتمر او عمل فيها سفره خارج المملكه يازينها لانها ف الغالب فيها روحه معه
لكن اذا كانت في داخل الممكله او ف الرياض :icon33:
مايمر اسبوعين على بعضهم الا وانا طامره عند اهلي وبكرا بعد وراي خط للرياض
سؤالي ؟
انا طبيعيه ولا فيني مشكله .. او لاني ثقلت والملابس كثرت و الشنط كبرت صرت اشيل هم !
اول كنت اتغزل بالرياض واهلها والان اكره طاري الروحه لها
مع اني عند اهلي مرتاحه و طلعات وو ناسه وجمعات و الوقت يروح .. بس ولو احب بيتي واحب
اسرتي و اجوائي الخاصه :26:

خصوصاً اللي عايشين بعيد عن اهاليهم من كم ل كم تزورون اهلكم ؟