انتم مثلي ولا انا لوحدي كذا !!

اشكر صديقتي امونه لأنها اعطتني معرفها عشان اطرح لكم مشكلتي
 انا متزوجه من 7 سنيين عندي 3 اطفال المهم بيتي مافرشت فيه شيء من تزوجت كل العفش حق اول ايام الزواج من فرش وكنب وكل شيء ،،غرفة النوم انعدمت ومو راضي يغيرها يقول لين ماتتكسر عادها جديدة ، وفي غرفه مو فارشها يتحجج بالديون ، حتى ملابسي كلها ملابس حق اول ايام الزواج مايعطيني غير 1500 او 1000 ريال بالسنه عاد يبغاني اشتري فيها كل شيء ملابس للطلعه وللبيت وللنوم ومكياج وعطور واحذيه و كككل شيء !!! بالله تكفي !!!
مره اشتريت فيها ملابس للحمل لأن ملابسي اللي اشتريتها ايام الدبش كلها ضيقه والعيد اللي بعده اشتريت بس ملابس للطلعه ويادوب كفت واللي بعده مكياج وهكذا ..
المهم كريمات والأشياء هذي ماقدر اشتريها وانا نفسي اشيل لليزر واشتري كريمات اشياء كثيييرة نفسي فيها ، مره يوعدني يعطيني مصروف بعد كم شهر واذا جاء اليوم المحدد يقول عندي كذا وعندي كذا وفلان له فلوس عندي الخ وله سنه وعليها كل ماطلبت يتعذر >> بكلام الحب مايقصر احبك ومشتاق لك وانا مو صابره الا عشان هالكلمتين والحين خلاص ماعدت اسمع غير كلمة احبك وبس 
مايجلس معي ولا يتكلم معي و ولا يهتم ب اطفاله والله مايقعد معهم ولو 5 دقايق ي يطلع برا واذا جاء البيت يقرأ كتاب او ع الجوال ، وقبل كم يوم طلبته كريمات وكالعاده عندي ديون وعندي وعندي ولما اصريت عليه قال طيب ب 400 واتأخرت كم يوم وامس قلت بشتري ويوم جيت اشتري قال ماعندي فلوس خليها الشهر الجاي واليوم راح اشتري لنفسه كتب !! لنفسه يقدر يشتري اما انا بكره وبعده وبعده وبالأخير اكل تراب !!
لا ويقول انتي اغلى عندي من الفلوس ولو عندي بعطيك واليوم شفت عكس الكلام ، واذا زعل مني قال بوديك عند اهلك عاد انا اشوف مافي فرق بين بيت زوجي وبيت اهلي بالعكس عند اهلي في احد يعطيني وجه ويسولف معي ، و ارتاح من تعب البيت الغسل والكنيس والطبخ ، ويصير فيه تقسيم بالمهام يعني الميزه الوحيده اللي ببيت زوجي هي ان لي بيت وبس وعند اهلي ارتاح واتبطح و ناس يعطوني وجه ومافي لا شغل ولا كرف و ولا تعب ...
مدري انا مدلعه و مكبره الموضوع ولا لا ؟ واسوني