انتم مثل حالتي مع زوجي ولا أنا حالة خاصة

صيام مقبول يارب ، يا بنات انا اول ماتزوجت ماعرف شيء بالمطبخ والحين الحمدلله اطبخ وتقريبا تحسنت بشكل كبير وصرت اعرف وش احتاج وما احتاج وكيف اقضي للمطبخ والحمدلله طبخي لاقى مدح من اهل زوجي واهلي ... لكن اللي قاهرني ان زوجي مايعجبه طبخي واحيانا يعجبه مو دايما ، لدرجة انو اذا ما اكل من طبخي ارسله لأهل زوجي ولما ألتقي فيهم والله العظيم يمدحون طبخي ويطلبون مني المقادير !!احس يا إنهم يجاملوني أو فعلا يمدحون من قلب ، ماصرت اعرف الصدق بسبب تحطيم زوجي لي .. وامس تهاوشنا ووصلت للسماء بسبب انه يسب طبخي واني ماعرف والى آخره .. والله انقهرت اتعب واطبخ واتابع انستقرام ويوتيوب لطبخات جديدة وهو ولا هامه بس وظيفته ينتقد ويحطم ..امس زعل لاني قلت له اذا ماتبي تاكل ان شاء الله عمرك ما تاكل والمطاعم مفتوحة .. وارسلت طبخي بعدها لاهله ..انتم مثلي وكيف احل مشكلتي والله انها مسببه لي فجوة كبيره مع زوجي وكل يوم هذه سالفتنا ..