قوتشي 2009 :

مواقفكم احسن من موقفي اللي محرج صدق هذا سلمكم الله بزواجي كنت محضره نفسي لزفه وانتظر متى يجي الوقت الا فجاءه امي داخله علي وتقول ان اهل المعرس يطلبوني بان المعرس ينزف مع عروسته قلت خلاص مو مشكله بس انزف انا اول وبعدين هو يدخل قالت خلاص شوي الا المعرس الي هو زوجي جاء عندي بالغرفه وانا في قمت الاحراج والحياء وشوي الا اسمع صوت الموسيقى شغلوها اللي هي الزفه وقمت مرتبكه وامي مدري وينها وخواتي مدري وينهم الموهم انا انحرجت ومستحيه اقوله اجلس وانت بتنزف شوي تدرون وش سويت خذيته معي وقلت يالله بنزف وخلك معي اذا وقفت وقف واذا مشيت امش معي المصيبه مو بزوجي لما دخل معي عادي المصيبه اني لما دخلت الصاله الحريم مادرو ان العريس بيدخل وانا توقعت ان امي قالت للطقاقه وشوفي صراخ الحريم والحوسه والل تتخبى تحت الطاوله و00000الخ والمصيبه الثانيه الممر طلع ضيق يالله ياخذ فستاني مو عاد زوجي معي بلحظه هذي ودي اذبح خواتي لان فعلن مانتبهو على الممر انه ضيق وش سوى زوجي راح يمشي قدامي على المنصه وانا حاطه رجلي ولما قربت على المنصه الا وتذكر ان لازم امشي بهدوء ووقف يعني ماستعجل بمشيتي ولا المصيبه الثانيه قمت وربطت فرمل بعد ايش الا واحس شي وراي مسك طرحتي لما التفت لقيت طرحتي متعلقه بالتحفه اللي بوسط الممر وفيها ورد وشوي وتطيح على فستاني من ورى ويمسكوه الحريم ويعدلوها لي ولما طلعت على المنصه وامشي واستعرض الا زوجي جاء عندي قالي تعالي يالله بنجلس خخخخخخخخخخ وانا اقول بقلبي ضف وجهك الموهم واجلس وادور خواتي وامي ليش تركوني الاو اشوفهم على المنصه ومتخبين ورى الكراسي وشوي واقوم عليهم واكفخهم وجت المصيبه الثالثه وزوجي يقوم ويبي يحط رجل على رجل وشوي وتطيح الطاوله وعليها ورد بس الحمدالله مسكها قبل ماتطيح ويكمل ويحط رجل على رجل ويطلع السبحه ويلعب فيها وشوي واقوله دخل السبحه حسسني كان بمشب وشبت نار ومجلس رجال والحمدالله شوي ودخلها وعدل رجله والمصيبه الاخيره تقوم الطقاقه تطق مدح فينيي العروس وتذكر اسم ماهواسمي وقمت اغمزلها بعيني واقولها ان اسمي فلانه والله انقهرت ولا امي من قهرها جتني قالت امشي اطلعي مالت عليها من زفه والله ماقعدت الا دقيقتين من الفشيله طلعت منقهره ولما جاء اليوم الثاني الا وحده من خواتي تقول ان زوجك سوى حركه تفشل وانتي في الممر كان يمشي وياشر بيده ويقول تعالي تعالي خخخخخ انا طبعن ماشوفه لان اليزر علي والانوار طافيه والله لي الان خمس سنوات متزوجه ان وجهي طايح لحد لان وكل ماتذكرت قمت اتهاوش مع زوجي والله يابنات اني انزف واسمع ضحك الحريم حسيت اني جالسه امثل قدامهم تمثيل كوميدي واتحدى اي وحده فيكم صارله احراج مثلي انا احس الناس مو مثلي يعني ينطفى شريط بوسط الزفه اهون من اللي صارلي وووووووبس

مواقفكم احسن من موقفي اللي محرج صدق هذا سلمكم الله بزواجي كنت محضره نفسي لزفه وانتظر متى يجي...