انتم وش رأيكم ؟

السلام عليكم ' كيفكم حوائيات يا أحلى عالم                                                   يا طويلات العمر ابستشيركم وياليت كل وحده تحط رأيها وان شاء الله ما يخيب رجائي فيكم بعد الله أنا متزوجه ومع اهل رجلي بمنطقه ثانيه عند أهلي كل يوم نطلع ونجتمع كل يوم يعني كل يوم جد والله اذا تخلفت بيوم ما طلعت مع أهلي يكون بسبب مشاغل او مرض والا اجتمع خالتي مستمر ولما أجي هنا ببيتي افرح بس لما أشوف احد جاء عند ام زوجي زياره والا أنا الح على البنات اللي من سني علشان نجتمع بس احس اشحذ هم ريال واعزم ويجون غصب ونصهم ناقص وبس وقت القوه او العشاء ويمشون على طول احس أني مجمعتهم أوريهم  موعيني لأنهم اصلا مايكلون مادري مسوين فيها رسميين والا شو ولي اسبوع آنق عليهن يتعشن عندي بس تعذرن بأختهن مسافره ولها اسبوع من جت ماشفتهن الا البارح جت اختهن مع 2 منهن والله يابنات جت تسلم على ام زوجي لانها جدتهم ربع ساعه فقط حتى نقابها ماشالته فنجال قهوه وقامو ونحن خميس يعني وش هالاشغال اللي لها لدرجه قسم أني من القهر بغيت ابكي خميس وأجازه وكل الاسبوع محرومه وآخر شي كذا حسيت نفسي لزقه أمريكيه لأني لمحت لهن أنهن ماشاء الله ملي البيت يعني مايضرهن لو قالن لوحده تسهر معهن  اللي هي أنا بس سحبن علي ومو اول مره ولو جاء كل بيتهم ما عندي مانع اقف بالمطبخ لما ينكسر ظهري بس أشوف ناس <<<< مشكلة الاجتماعين               مالكم بالطويله ابي رأيكم خلاص أخذ موقف وبرحتهم وما عاد اعزمهم واسحب عزو متي اللي كنت مقرراتها ؟ والا افوت ولا كان شي صار ؟