السلام عليكم ورحمة الله وبركاته
قبل فتره بسيطه كتبت في نفس عنوان الموضوع عن اسباب تاخر صك الطلاق اللي عنده خلفيه ومن هالكلام وكنت اطلب منكن تدعن لي بالفرج القريب..
والحمدلله والشكر لله ابشـــــــــركم انه جاني صك طلاقي يارب لك الحمد والمنه (انا لله وانا اليه لراجعون)(اللهم اجرني في مصيبتي واخلف لي خير منها) هذا افضل شي يقال عند المصيبه يارب اني احمد واشكرك انك فكيتني من طليقي واهله الله حسيبهم ان شاءالله ويوريني فيهم عجائب قدرته انه قادر على كل شي..
دعواتكن لي بالعوض بالزوج الصالح التقي النقي ذو دين واخلاق عاليه يخاف الله فيني وينصرني على من ظلمني وحرم بنتي من ابوها والله مادري وش اقول وش احط بهالصفحه من الفرحه ان صك طلاقي طلع بسرعه لاتقولون ان طلاق المرأه كسرها بالعكس بهالزمن اشوفه رفعه وشأن وعزه من هالرجال اللي مايخافون الله ببنات الحمايل يااختي فكه من هالوجيه الودره الوحده تجلس ببيت اهلها معززه ومكرمه ولا الاهانات واللهده والمغثه اللي تجيب الامراض ..
وقاعدتي بهالحياه (دع الحساب لرب الحساب ) وماننيأس من رحمة ربي ونصره ومن بودار نصري انه عيا يطلق قال ايش قال رجعوا حقوقنا وهم مخلين بشرط القعد خل الله عقولهم اخذين بنات الناس لعبه خذ ونكد وغث واظلم ولابغت الفسخ قال رجعوا حلالنا
قسم بالله مسخره لكن الله يعز الدين والحق واللي ماهو لله يهلك ...
ماعليش طولت عليكم وهذرت وااجد لكن من الفرحه:icon28: اعذروني
ادعوا لي ان بنتي تصير من نصيبي للابد ويخليها لي وينبتها لي نباتا حسنا ويصلحها
يلزم عليك تسجيل الدخول أولًا لكتابة تعليق.
الصمت ملازمني
•
اللهم امييين ربي يسعدك
الصفحة الأخيرة