انتهى زمانك ياورد " كاندي بوكيه "

السلام عليكم ورحمة الله وبركاتة
تحية طيبة للكل

من الطبيعي الواحد اذا اعجب بشي قام يمدح فيه ويمكن درجة الاعجاب ما تتعدى نفسه يعني يمكن يكون رآي او ذووووق شخصي بس لما نحس ان الشي اللي أبديت اعجابك فيه من نوع ثاني واول مره تشوفه هنا انا اقول stop يعني ممنوع تجاوز الخط الاحمر.
المهم انا ما ودي اطول عليكم وراح اقولكم الشي اللي شفته وانا ادور هديه حلوة ابهديها اختي " كان عندها مناسبة "والحمد الله لقيت الهديه قلت مو كفايه وحبيت اتفلسف شوي واضيف عليها نوع من اللمسات وقلت يا بنت لازم تجيبين لها ورد حسيت انه ألطف شوي ويزيد نوع من النكهه بدخلتي عليها المهم مريت محل بالسليمانية " شارع الدشوش " المتفرع من شارع التحليه اسمه كاني بوكيه ومكتوب على لوحة المحل البديل اللذيذ عن الزهور ... جاني شي من الفضول وقلت لا يفوتك ذا المحل اللي يكسر البوكيهات التقليدية وقفنا عند المحل ولما نزلت للمحل بكل آماااااااانه انبهرت من الحاجات اللي شفتها اللي :rotaeye: كانت في قمــــة الذووووق والرومنسية .
لقيت بالمحل بوكيهات على شكل ورد بس ما طلع ورد طلع شوكولا <<< انهبلت معاها والطعم يم يم واللي اهم من ذا كله لقيت البوكيهات باشكال خلابه ومتنوعه وكل بوكيه يدل على مناسبة.
المهم احترت وش البوكيه اللي لازم اقدمه عشان يتوافق مع المناسبة وفعلاً لقيت اللي ابيه وبشكل ما كنت اتصوره واللي شد انتباهي لقيت شوكولا باشكال ورد وحاجات اكثر تنفع لمناسبات خاصة
لما سئلنا اللي يشتغل بالمحل وش فيه بعد من بوكيهات تناسب مناسبات قام يشرح وطبعاً اللي معاي "اخوي" قصده طبعاً انه مع كل شرح عن البوكيهات يطلب منه الذواقه >>> بيني وبينكم ما قدرت اقاوم واستغليت الوضع وقمت اكل مع اخوي :p
المهم من ضمن شرحه لي قال انه فيه شوكولا تنفع للي عندهم سكر الله يبعدنا واياكم واللي عندهم حميه وبرامج غذائية ، المهم لقيت اشكال تنفع للمواليد ومناسبات زواج .
انا فعلاً من اعجابي قمت امشي واسوق للمحل على بالي محل ابوي .
والله انا بكل امانه ما كتبت هالمشاركة اللي من اعجابي اللي شفته واتمنى انكم تمرون وتشوفونه وتذكرون كلمي.