انتهى زواجي بعد١٠سنوات

السلام عليكم
اكتب لكم وقلبي يعصرني من الالم
تزوجت من عشر سنوات
زوجي كان طيب معي مره اول سنتين وحبني كثير وانا بعد
بعدها بدأ التغير التدريجي بشخصيته لكن اشياء بسيطه تصير بكل بيت
بعد سنه من التغيير بدأ التغيير يكون قوي مره
بالعربي انقلب حالنا (صرنا بفقر وبخصام دايم ضرب شك ،سهر غير طبيعي بعده نوم غير طبيعي)
وقتها اكتشفت انه يستخدم كبتاجون,واجهته ووعدني يتركها وبعد فتره بسيطه رجع لها ورجعت مشاكلنا ,دخلت اهله ماكان لهم اي فايده,دخلت اهلي واخذو منه مواثيق وفتره ورجع,قلت خلاص دام شره على نفسه بكملها حياه وخلاص<وقتها كان معي اكتئاب قوي كان كل شي واي شي بالحياه ماله طعم ابدا,وهو مستمر بادمانه قبل سنه حالته تردت مره صار يتخيل اشخاص معنا بالبيت ويكلمهم ويشك فيني ,مؤمن اني مسويه عليه منظمه مباحث واني اصوره ومراقبته, وقبل كم شهر انفعل لان ماكان معاه فلوس يجيب حبوب,قام كسر لي البيت كله حرفيا كله طاولات تلفزيون مطبخ كل شي,لدرجه حيراني جو عندنا وكان يهددني ويخاصم باعلى صوته،وربي كان انفعال بدون سبب!,هنا انا قلت خلاص الموضوع صار لايحتمل،رحت لاهلي واخذت اطفالي وراح انفصل عنه خلاص,عارفه ان قراري صحيح,لكن انا احبه وهو كذلك متاكده,رغم ان المخدرات اثرت على عقله خلاص لكن متاكده من حبه لي,اكتب وانا ابكي وضعي صعب ومتعب معاه مارتحت وبدونه ماارحت,قرار انفصالي نهائي لكن هذي مجرد فضفضه