انتوا تعرفون انكم تجرحونها وانتوا ما تدرون !!!! حرام عليكم
خواتي ليش تجرحونها بسؤالكم وحتى لو انكم تحاتونها
ليش تجرحونها بدعائكم وانتوا كنتوا تقدرون تدعولها بظهر الغيب وبخالص النية
تقدرون تفرحون قلبها واهيه ماتدري
انا بقولكم القصة
السالفة ان الوحده من تتزوج ومن اول اسبوووووووووووع
( ها !!!حملتي ؟؟)
انتي حامل؟
انقول مبروك ؟
يالله باجر بتحملين وبتسهرين ومابيخليج ما ترقدين
وتكمل الحرمة شهر وشهرين .. يردون يعيدون عليها ويزيدونها زيادة ويحطمون نفسيتها
بعدج ماحملتي ؟؟
ليش مارحتي المستشفى عشان تتاكدين
وبعد ست اشهور او ست سنوات او عشر سنوات
يقولوها ان شاء الله بتحملين وووو
ويدعون قدامها انها تحمل
حرام عليكم تذكرونها ؟ حرام عليكم تجرحونها ؟!!!!
ياعالم كيف اهيه تتالم وتفكر وتفكر وياما صاحت وسهرت الليلي بسبتكم وبسبة اسئلتكم وانتوا ماتدرون يمكن احنا السبب
لانها ماتحمل لانها تحرق اعصابها بالتفكير والتفكير لدرجة ان الرحم عندها يفرز احماض تقتل الحيوانات المنوية وعشان جذيه الحرمة ما تحمل ؟؟
نحن السبب ونحن ماندري .. نتحرى بدعائنا لها امامها بتفرح وماندري انه ترجع تتذكر وتصير مهمومه
ليش ماندعي بظهر الغيب لاخواتنا ولصديقاتنا .. مب الرسول عليه الصلاة والسلام وصانا الدعاء لاخي المسلم بظهر الغيب .. بما معناه
حرام عليكم المراة المتزوجة تموت في اليوم امية مرة من اسئلتنا وهيه قدامنا ماتبين لنا اي شي
انا اول ماتزوجت من اول اسبوع من الزواج رحت عند امي شافتني صديقة امي وقالت لي ماحملتي ؟ فرديت عليها وقلتلها خالتي توني ا سبوع ؟
وبعد يومين رحت ازور امي مرة ثانية .. وردت علي نفس السؤال ماحملتي يالله سوو سوو اشتغلوا ؟
شو ارد عليها
وين مااسير يسألوني هذا السؤال لمدة ثلاث شهور وانا عايشة في عذاب لدرجة اني حسيت انه فيني العيب وبغيت ادور حق ريلي حرمة عشان ازوجه ولكن ولله الحمد حملت
انا ثلاث شهور اموت واحيا .. وين الحريم الي ثلاث سنوات او 8 سنوات كيف حياتهم
اكيد فكرت في الانتحار كم مرة
عشان جذيه من اليوم ورايح انا ادعوا جميع الاخوات وانشروا في البيوت انهم ابدا وابدا لا تسؤلون اي وحده متزوجة حامل ولا ...؟ يتج الدورة ولا مايتج ؟
خواتي ارحموا حالهن الي فيهن كافيهن ونحن انيي ونزيد عليهن
انتوا من صوب والزوج من صوب والمجتمع من صوب
وين تروح هاي ..
لا تسألون خلاااااااااااااااااااااااص وقفوا اسألتكم والدعاء الا بظهر الغيب
ادعولهم بظهر الغيب
ولو انتوا دعيتولهن بظهر الغيب ان جان من زمااااااااااااااااااان الاخت حامل
الحمدلله انا طلعت الي في خاطري واتمنى شريحة كبيرة يقرون كلامي وابغي منكم دعوة طيبة انه ربي يحفظلي زوجي وعيالي ويرزقهم الصحة والعافية وطولة العمر
منقوووووووووووول
العضوه الجديده @alaadoh_algdydh_1
محررة فضية
يلزم عليك تسجيل الدخول أولًا لكتابة تعليق.
الناس مايخلون احد بحاله لازم الاسئله انا مريت هالحاله ا بس الحمدلله عندي ولد وبنت والله يرزق كل عقيم
ااااااااااااااااااااااااه ياقهر والله انك صادقه انا من اول ناتزوجت اسئله الين جاني هرمون الحليب من التفكير في الحمل والبكا وادعي ربي عذبت نفسي وزوجي في احلى ايام عمري من كلام الناس وماروح مناسبه ارجع وانا ابكي ابغى احمل والحمدلله بعد 5 شهور حملت والله يتمم علي ربي
بس صدق الناس ماتخلي احد في حاله
بس صدق الناس ماتخلي احد في حاله
كلام سليم و فعلا هن بكونو حساسات كتير حتى الدعوة بتحزنهم
و للاسف مجتمعاتنا العربية عادة ما بتراعي مشاعرهم
ربي يرزق كل محرومة يا رب و يعوض صبرها خير
و للاسف مجتمعاتنا العربية عادة ما بتراعي مشاعرهم
ربي يرزق كل محرومة يا رب و يعوض صبرها خير
الصفحة الأخيرة
دايم افكر بنفس الشي
بعض الناس ماعندهم أي ذوق