علمتنى الامومه الصبرررررر والتضحيه والعطاء واخذت منهاالخوف الخوف على اطفالى من كل شى من المرض من الموت من الخطف اصبح قلبى ضعيفا جدااا لايحتمل اى موقف نسال الله الاعانه

احلى شي واغلى شي الله عطاني اياه هو ولدي

احاول دوم اكون حنونة معاه واعطيه الشي اللي انحرمت منه لاني عشت بدون ام

وصرت شجاعة اكثر

وصبورة اكثر

ومثل ما قالت اختي ام سعد الحلو اوزن الامور واتروى في اتخاذ اي قرار

بس زادت حساسيتي واقل شي يبجيني

وحبيت زوجي اكثر واكثر

الله يحفظك لي ولدي ويحفظ كل عيال المسلمين يااااارب

اي اختي جود انا مثلج بالضبط دوم اخاف افقد ولدي

خصوصا انه داون ومعاه فتحة بالقلب

وهو اول طفل لي

من ولدته ما اقدر اتباعد عنه لو ثواني

ابعد عنه بس اذا انا بالحمام وانتوا بكرامة

يمكن مثل ام سعد قريبه منها كثير



حساسه بزياده واي طفل اشوفه يبكي اتأثر معه



واحيانا الاقي نفسي اللاشعوري انصح الأمهات اللي يعاملون اطفالهم بقسوه




نسيت نفسي كثير بس افكر بعيالي ومستقبلهم



حسيت بقدر أمي ودائما كنت افكر


كيف قدرت تتحمل المسؤليه الحالها بعيده عن اهلها وطنها


والله حنان الأم مافيه مثله بالدنيا أبداً



وماحسينا بحبهم وخوفهم الا بعد ماصرنا امهات مثلهم



لاتعبت وأرهقت من عيالي



أجلس واقول يالله يا أمي قد إيش تعبتي معنا وما كنـا حاسين بتعبك الا بعد ماصرنا زيك . .



حتى أبوي فهمت كلامه وعقابه لنا عند كل خطأ فهمت ليش هذا غلط وليش هذا صح




اليوم ابني لا زعل من ردة فعلي




رددت بيني وبين نفسي بيجي يوم وتقول جزاء والدينا الجنه زي ما احنا نقول


تعلمنا نعطي بلا حدود ولا نتظر جزاء



تعلمنا نضحي بكل ما نملك فدوه لعيونهم


تعلمنا نصبر على متاعب الحياه


تعلمنا نحب أكثر



تعلمنا نضحك من ضحكاتهم





والله نحبهم ومن غيرهم ولا شيء . .






يارب لا تحرمنا منهم ولا من أهالينا ...



كل الشكر لكِ غاليتي ..

تعلمت الصبر ثم الصبر
وحسيت بتعب امي علينا
وعرفت وش معنى حنان الام
وفهمت ليش انعطت الام ثلاث حقوق
مااقول غير جعل جزاء والدينا الفردوس الاعلى يارب
واشياء اكثر بس هذا اللي في بالي الحين