أشلونكم بنوتات و متزوجات حبايبي؟
بالمناسبة هالموضوع بعد كتبته عالسريع بسبب احد المواضيع اهني في المنتدي
وايد الاقي بنات يشتكون من علاقاتهم مع اللي حواليهم لكن انا اخص في موضوعي المتزوجات اللي يشتكون من أزواجهم.. و هالموضوع مناسب حق الكل بنات و متزوجات
قبل ما ابدأ راح أذكر لكم دراسة علشان توضح عندكم الصورة
في دراسة أجنبية طبقوها على أطفال يختبرون عندهم نسبة الوعي
يابوا طفل عمره ما تعدى السنة وحطوا على وجهه نقطة سودا و خلوه يشوف نفسه في المراية ... و كانت النتيجة انه مد ايده للمراية يحاول يمسح النقطة من وجهه في صورته المعكوسة في المراية
بعدها يابوا طفل اكبر بالعمر اشوي و حطوا عليه نفس النقطة و خلوه يشوف نفسه في المراية.. قام الطفل على طول مد ايده لوجهه يمسح النقطة مستفيد من المراية يتحديد مكان النقطة السودا و مسحها
اللي نستفسدة من هذي التجرية ان الأدراك والوعي مهم لحل اي مشكلة تواجهكم
يعني مثلا نلاقي زوجة تصيح من تعامل زوجها لها بطريقة مو زينه بينما تعامله مع امه و خواته مثل العسل ويمكن حتى مع الناس تعامله ممتاز .. اهني اسالي نفسج عن السبب؟ وابحثي فيه؟؟ هذا اذا فعلا انتي تبين الحل.. مو مقصدج الانتقام او تشفين غليلج.. لأن في زوجات تثور و تعصب اذا قلنا لها اسالي نفسج شنو السبب اللي أدى الي ذلك؟ وما تبي احد يوجه لها المسؤولية .. و يتهمونا أن احنا (نعبد الرجل :lookaroun )
تلاقون اسلوبها مع زوجها منفر.. طيعا بدون ما تحس او تدرك ان هالاسلوب ينفر زوجها
انتى انسانه لج شخصيتج و كيانج و شعورج لازم الكل يحترم هذا الشي وبالمقابل احترمي شخصية و كيان و شعور زوجج.. وحلو ان المشاكل تنحل بالهداوه والتفاهم
(طبعا انا اتكلم عن الرجل العاقل غير المنحرف لان هذاك قضية ثانية)
ان الرجل يبغى زوجة كامله مكمله خاليه من العيوب والزوجه كذالك تبغى رجل خالي من العيوب
وتلاقينهم ماحد يتحمل عيوب الثاني
الحياه الزوجيه مو فستان تلبسينه او يلبسه الزوج ومتى ماطفشو منه رموه
المفروض ان الزوج والزوجه يكونون عون لبعضهم يعني اي واحد يشوف عيب فالاخر اما ينبهه او يتغاضى عنه
اغلبنا فينا عيوب والكمال من صفات الله سبحانه وتعالى
اما الاحترام فكل شخص يقدر يفرض احترام الاخرين له
وقبل كل شي احترم نفسي وخصوصيات غيري حتى الاقي من يحترمني
انا باعيش عمري كله مع زوجي لابد من التنازلات من الطرفين ومن التغاضي
والحمدلله 20 سنه متزوجه اللهم لك الحمد والشكر مشاكلي كلها احلها بالنقاش وخارج البيت وبعيد عن اولادي