هلا اخواتي
امس كنت اقرأ الآيه: (ولئن شكرتم لأزيدنكم)
تفكرت فيها
تخيلو يابنات
الله مو محتاج لنا
الله غني عنا
الله يقول ( إن تكفروا أنتم ومن في الأرض جميعا فإن الله لغني حميد )
تخيلو
لو جميع من في الارض كفروا
فإن الله غني
مو محتاج لك انتي تشكرينه
بس انتي اللي محتاجه لشكر الله
انتي اللي محتاجه
انتي تبين راحه
تبين استقرار
تبين سعاده
اولادك اتعبوك
ام زوجك آذتك
حياتك صارت صعبه
خوات زوجك تعبانه منهم
زوجك بينك وبينه جفوه - مشاكل - اي شي
محتاجه للمال
اهلك ضيقوا صدرك؟
انتي اللي محتاجه
اي شي تبينه
يزيد
اشكري الله عليه
اشكري
اذا نمت نومه طيبه اشكري الله
في ناس ماتنام من الألم
اذا دعوت دعوه واجابها الله اشكري واحمدي كثير ناس مايستجاب لهم
اذا شريتي لبس حلو
ترا هذا بتوفيق الله ماهو عشانك شاطره تفرفرين بالسوق وتركبين
اذا عملتي وصفه لجمالك وشفتي اثرها حلو
اشكريه
فيه ناس ماينفع معهم
رحتى المستوصف وخفتي تتأخرين ودخلتي بسهوله رغم انه زحمه
اشكرييييييييه
انتي اللي محتاجه
ينعم ويعطي ويسهل واحنا نجحد ونكفر
اشكريه
على نعمه ان عندك نت وتقرين هذا الموضوع
اشكريه
على انك مازلت تتحركين وتمشين
الشكر
ماتستعملين نعمته في معصيته
يعني ماتتكبرين لجمالك
ولا تلبسين العبايه المرصوصه و ياحلاة الجسم ربي اعطاك جسم جميل تعصينه فيه ؟
ماتنظرين لمحرم
شكرك لنعمة النت عندك
ماتفتحين شي مايرضيه
نعمة الزوج ماتنظرين لغيره من الرجال ولا تكفرين النعمه لو كان فيه ميزات طيبه
ولا طول اليوم معلقه عيونك عالمسلسلات وانواع الرجال تنظرين لهم وكأنه حلال
اشكري
اشكري
وشوفي كيف الخير والبركه
تجيك
وتزيد النعم
تزيد
كل مازاد شكرك تزيد
(ولئن شكرتم لأزيدنكم)
لك الحمد ياربي على نعمك وفضلك وجميلك وما اعطيتني من النعم وماصرفت عني من النقم
اللهم اجعلني من الشاكرين
**Cranberry @cranberry_1
عضوة فعالة
يلزم عليك تسجيل الدخول أولًا لكتابة تعليق.
الهادي المحيط
•
جزاك الله الف خير ^^
لك الحمد ياربي على نعمك وفضلك وجميلك وما اعطيتني من النعم وماصرفت عني من النقم
اللهم اجعلني من الشاكرين
اللهم اجعلني من الشاكرين
الصفحة الأخيرة