هلا وغلا
انا اليوم بتكلم عن العنوسه ترى هالمسمى ماله اي دليل ومعنى ماقريناها لا بالقران ولا بالسنه وهي معناها بايخ انه البنت الي مايبيها احد من الرجال اي سن كانت وحنا ماشفنا بنات مايبيهم احد الحمدلله حتى اللي فيها عيوب الدنيا كلها من عيوب خلقيه او اخلاقه تنخطب وشفنا بنات اربعينيات ينخطبون وتزوجوا عادي يعني
الحمدلله ماعمري قلتها لاحد او نظرت لاحد واطلقت عليها المسمى هذا او انا خفت من هاالمسمى لا عارفه نصيبي بيجي
المهم تابعتوا برنامج ببدايه تكلم كلام الله يجزاه خير
كثير قرينا مواضيع وبالجرايد وغيره ان العنوسه بالسعوديه وصلت مليون ومدري كم غلط هالاحصائيه
ببرنامج بوح بنات بقناه بدايه قال انه الاحصائيه تناقلوها الناس غلط هم يقصدون مليون بنت عازبه بعمر الزواج من 15 ومافوق هذا عددهم وطبعا االاحصائيه تتغير كل سنه لان الالاف من البنات يتزوجون خلال سنه يعني الاحصائيه ماكان مقصدها تخويف فقط يحسبون عدد العازبات
ويقول ان الشباب اللي ماتزوجوا ووصلوا سن 30 اكثر من البنات العازبات بمختلف الاعمار
ويقول من يقول ان الرجال قليل والبنات كثير عشان كذا يتأخرون يقول مو صحيح اللي شفناه ان الرجال اكثر عدد ماتزوجوا يصير الحمل على الرجال مو على البنات ليش ماتزوجت وليش تتشرط طبعا كله نصيب
وقال بعد انه سن العنوسه ببعض المدن والمناطق يختلف حتى لو كان فيه سن مخصص يقول المفروض البنت ماتخاف لان ياما بنات باواخر الثلاثين والاربعين تزوجوا خيره الشباب
وانه ببعض القرى العنوسه عندهم الى 22 خلاص يبدا القلق
اما بالمدن لا غيرر ارتفع سن الزواج صار من 23 ومافوق الى اول الثلاثين طبيعي اما 35 يبدا القلق والخوف بس ماتفقد الامل ابدا ابدا ولا له داعي للخوف والقلق الدنيا تغيرت مو زي اول البنت بس تبلغ تتزوج ليش لانها ماعندها مسؤليات واشغال والناس عارفه بعضها والديره صغيره وكذا
المهم بنات كلام مقنع وزين وفعلا ماله داعي بنت بسن 25 تخاف تقول قربت ادخل سن العنوسه مو صحيح انتي بسن زواج حتى اللي دخلت 30 عادي بوقتنا هذا ترى فيه بنات ماانخطبوا الا لما وصلوا 23 وفوق يعني لاتلتفتين لكلام الاولين جداتك وغيرهم والله اغلب عرايسنا من فوق 23 اللي بسن 20 نعتبرها توها صغيره وماتتحمل مسؤليه تمتعي بعزوبيتك ولاحقه على الشقى والتعب صح كلنا نبي نتزوج بس متى ماجاء الله يحيه انا اتمنى اتزوج وماافكر بالعمر الحمدلله ادري ان الزواج رزق وماله دخل بالعمر لكن انا احيانا اقلق من ناحيه تفركش الخطوبات شي يتعبني ويقلقني والمفروض اني اتوكل على الله
وكل شي مكتوب لنا قبل نطلع على الدنيا
نسيت اقولكم ان بالبرنامج قال استبدلنا كلمه عانس بـ آنس كان هو ضد هذي الكلمه الشينه اللي تسببت الم بالبنات وهي مالها دليل والي اطلقت عليهم عوانس هذاهم ببيوتهم تزوجوا اللي كانوا يقولون عنهم الناس عوانس العانس اللي محد يتقدم لها اللي وصلت 50 وماتزوجت ولا احد يبيها ممكن نقولها يمكن بعد حتى الخمسينيه والستينيه ماتقعد بدون عرس
مو لانها كبرت وماتقدر تنجب نقول خلاص ماتتزوج مستحيل مو صحيح ابد
وسلام :)
دعواتكم لي
جرحوني كثير @grhony_kthyr
عضوة فعالة
يلزم عليك تسجيل الدخول أولًا لكتابة تعليق.
أحب مكه@
•
اللهم اني اعوذبك من بواري وتاخر زواجي وقعودي وبطئه يارب ترزقني الزوج الي اتمنى صفاته هذي السنه ومن قالت امين يارب يارحيم يارحيم يارحيم
صدقتي والله
يقولون ان كلمة عانس تطلق على الرجل اللي بدون زوجه
اما البنت فيطلق عليها عزباء
يمكن كلامي غلط مدري بس سمعت
الله يرزق بنات المسلمين
يقولون ان كلمة عانس تطلق على الرجل اللي بدون زوجه
اما البنت فيطلق عليها عزباء
يمكن كلامي غلط مدري بس سمعت
الله يرزق بنات المسلمين
الصفحة الأخيرة
احس ان المشكلة مو بكلمة عانس....المشكلة وانا اختك فينا حنا ,,يعني بعضنا يشوف هالكلمة عاااااااااااااادية وما تهز فيه شي والبعض الاخر مسويها سالفـة وهي ما تسسسسسسسسسوى وربي,,,
عمومآ يسلموووو على هيك موضوع رااااايق على هالصبح