بدك تعرفي اذا انتي بتحبي زوجك ولالا؟؟
بدي اياكي تتخيلي معي
بس تتخيلي
اعدي لحالك بالغرفة وسكري الباب وتخيلي معي
..هلا الساعة 12 بالليل وزوجك لهلا ما رجع راح مشوار سريع ولسة ما رجع و هو مو بالعادة يتاخر ... والمشكلة قبل ما يطلع كنتوا متخانقين
صارت الساعة 1 ولسة ما رجع قررتي بالرغم انك زعلانة منه انك تبعتي مسج تحكيله (وينك تاخرت ).. طبعا هدا المسج اغلب الاحيان بنبعته لما بنكون زعلانين منهم ليش تاخروا علينا مسج جاف مختصر بس تذكريه انك اعده بتستنيه
بس ضليتك ماسكة الموبايل تستني اي رد منه بس ما رد .. قررتي تبعتي مسج تاني اقوى من الاول ..(( ليش مطنشني وما بترد علي وينك لهلا متاخر ))
بس كمان استنيتي واستنتيتي وما رد ..بلش قلبك ينبض بقوة صارت الساعة 2 بالليل والناس كلها نايمة .. ..قررتي انك تتصلي وانتي قلبك بغلي مغيوظة ليش مطنشك ولهلا ما روح ..بس كمان ما برد
تبدل شعور الزعل والغيظ لشعور خوف ..وينه ؟؟
بعتي مسج تاني بس غيرتي الاسلوب هلمر (( حبيبي وينك شغلت بالي طمني عنك ))
ما رد ..بعتي مسج رابع (( الله يخليك بس طمني عنك الساعة 4 الفجر اعملي مس كول بس اعرف انك بخير )) بس ما رد
وانتي بلشتي تدعي الله يا رب يكون بخير يا رب احفظلي زوجي ورجعلي اياه ..
وانتي بس تتصلي وتبعتي وتروحي على شبابيك البيت شباك شباك اي واحد بطل على الشارع بس بدك تشوفي اي سيارة وكل سيارة تقرب تتاملي يكون زوجك
انتي لحالك صغارك نايمين اهلك نايمين والعالم كلها نايمة بس مشغول قلبك وعقلك على زوجك واذن الفجر ..
وفجاة رن التلفون خفتي وانخضيتي من مكانك وقلبك قبض بقوة ..سرتي مترددة ارد ولالا مين بدو يتصل في هلا؟؟ يا ربي استر يااااارب استر
رفعتي التلفون وقلبك راح يوقف من الخوف ..حكيتي وصوتك كله رجفه الو!!!
..سمعتي صوت واحد اول مرة تسمعيه حكالك برسمية وجدية ..عفوا اختي هدا بيت فلان الفلاني ؟؟؟ ((الي هو زوجك ))
بتحكيله وصوتك برجف اكتر واكتر ..نعم خير شو في؟؟
بحكيلك.. اختي زوجك......................................................
احكيلي شو بتتمني بهاي اللحظة؟؟ شو يحكيلك؟؟ شو صار بزوجك؟؟ شو بكون شعورك؟؟
عرفتي الجواب
انتي بتحبيه ولالا!!
dianah840 @dianah840
محررة فضية
يلزم عليك تسجيل الدخول أولًا لكتابة تعليق.
ام عبودي 2222
•
يمة**** لايحطني في ها الموقف جد لوصار شي لزوجي **** يطول بعمرة اتوقع اني بدخل مستشفى شهااااااااااااااارلاني اموووووت فية اما من ناحية المشاكل من يوم تزوجنى واحنى في مشاااااااااااااااااكل يسلمو صاحبة الموضوع اتوقع اي وحدة الحين زعلانة على زوجها وحطت نفسها بها الموقف راح تنسى زعلها وبتروح تتصل تطمن علية
الصفحة الأخيرة