انتي تتلفتين تدورين الرجال وتناظرينهم .. شكرا يازوجي

السلام عليكم ورحمه الله وبركاته

بنات انا قصتي طوووويله عريضه .. راح اكتبها لكم بالتفصيل لاحقا
انا لسى عروس ماكملت سنه ..واكل حبوب منع الحمل .. زوجي شكاااااااك مره مره مره
وكتبت كذا موضوع هنا .. فيه بنات قالوا لي اتركيه دامك لسى على البر وفيه بنات صبروني وكل ماله يصير اسوأ..
طبعا افعاله بانت من ثاني يوم زواج حصلته يفتش جوالي .. حتى ماتجمل وقال لسى عرسان ..
وثالث يوم زواج جتني الدوره قالي " الله يقرفك انتي ودورتك .. انتي انانيه خربتي شهر العسل .. ليش مااكلتي حبوب تمنع الدوره او خليتنا ناجل موعد الزواج " انا انصدمت مررررررررره من اسلوبه ..

من اول شهر كنا في الغربه ..طبعا مسكني عند اجانب عشان مااتعرف على العرب وتعرفت على سعوديه ومنعني من زيارتها وممنوع اطلع الا معه .. وكان مزعج مره "لاتمرين من عند الشبابيك + انتي تدورين رجال + انتي سهرانه مانمتي عندي (هذا بالليل وانا اكون طول الليل نايمه جنبه) + ماعمري شفت بنت قليله ادب تكلم راعين المحلات (المشكله هو يكون معي واصير اسأل حقين المحل وين مكرونه وين الرز ..الخ+ علمني اسماء كل صديقاتك + اجلسي عندي اذا كلمتي عشان اسمع سواليفك + وكثييييييييير كثييييير)
مع انه هو بالمقابل يصافح الحريم بيده + يكلمهم قدامي عادي ولايطق خبري+يمدحهم ويقولي شوفي زوجه فلان وشوفي فلانه هي الحرمه هي السنعه ..الخ
يابنات عجزززت ارتاح ببيتي احس اني مراقبه طول النهار .. الدوام صار مايروح .. ولايعلمني متى يداوم .. قلت له تصدق انا الزوجه الوحيده اللي ماتعرف متى يداوم زوجها ؟؟ حتى مره جتني الشغاله ونظفت ومالت الستاره شوي .. جاء قال لي من اللي يطلطل من الشبابيك ..الخ

المهم مره نسيت جوالي ببيتي وانا حاطه فيه قفل ورحت لاهلي ولاب توبي دايما ببيتي ماعمري اخذته معي اذا طلعت.. قال نامي عند اهلك ..وهو ممنوع عنده انام عند اهلي .. استغربت مره قلت طيب .. اثاريه مودي جوالي ولاب توبي لهنود وجالس يفتش فيهم وينخلهم .. اللاب توب طبع لي منه ملفات وايميلات ااول مره اشوفها وقال انتي تعرفين شباب .. والجوال قال انتي عندك جوال ثاني وتكلمين شباب..


انا الحين ببيت اهلي واستخير .. وشكلي ماراح ارجع لانه اخاف ارجع ويتعدل كم شهر لحد مااحمل بعدين يرجع العن من اول .. حتى انا نفسي مو مرتاحه بالرجعه له ..مليييييييييت مره منه .. كرهني بعيشتي ..
بنات لو انتم مكاني وش تسوون ؟؟

ردي على استفسارات البنات
هو قال انا مابطلق .. روحي انتي اطلبي الطلاق .. الظاهر عشان يبغى فلوسه ..
طبعا كلمنا امه وماردت علينا ابدددد مع العلم انها دايم ترد حتى لو ماتلحق ترد ترجع تدق علينا
وهو مادق ابد ..
وامه عارفه انه شكاك لانها اول الزواج دايما تدق عليه وتهاوشه وتوصيه علي وتبكي .. استغرب من امه هالتصرفات واقول بنفسي وش هالام اللي بس تتصل تهاوش ولدها ..
وهو مره قالي" انا قلت لامي اني شكااك مااقدر" .. قالت لي امي انا لو ابوك يشك فيني كان ماجلست معه يوم واحد