انتي حلوه كل شي يحق لك انتي عاديه لا انتي غير

سوال بنات
الحين ليش جنس الحريم حتى الحريم الكبار بالعمر
يحسون بس الحلوه اللي لها حق تعيش
لها حق يدلعها ويطير فيها زوجها يعني حتى
اذا شافو حلوه زوجها يسفرها ويجيب لها وميت فيها
يقولون بعذره حلوه
ولما يشوفون وحده عاديه واقل من عاديه وشكلها على قدها
يحسسونها لو جاها شايب او شخص مو عاجبها
سواء شكلا او وظيفه او شي فيه ماعجبها
ينطون فيها ويقولون من زينك؟
احمدي الله احد فكر فيك تحسبين نفسك حلوه؟
زين احد جاء خطبك اصلا
حتى من قبل تتزوج الوحده اذا فيه خوات
مثلا اخت حلوه واخت اقل من عاديه
الاقارب الصديقات الناس
كلن يمدح الحلوه وكلن يقدسها وباقي شوي
ويعبدونها حتى لو انها مغروره وشايفه نفسها عليهم
يقولون اي حلوه يحق لها
لكن العاديه او بمعنى مجتمعي الشينه
لو نفسيتها حلوه واخلاق وكل شي فيها زين
الا شكلها مستحيل تعجب لااهل ولا اقارب ولا زوج
مهما كان الشكل عندهم بالمركز الاول


خلونا صريحين
دايم بالخطوبه واول شي يتقدمون يدورون
الحلوه البيضاء ام جسم رشيق
لكن لو نقول فيه بنت اخلاق ونفسيتها حلوه
لكن شكلها عادي ينهبلون يقولون لا لا
نبي حلوه للولد حنا
نجي للاهم اللي ابي اصارحكم فيه
هل الرزق بيدين الناس؟
الحب بايدين الناس؟
اشوف الكل يقسم الرزق والحب على مزاجه
واولهم اهلي يشوفون حلوه او وحده من خواتي حلوه
امي ضامنه انها بتاخذ واحد راقي ومليونير و و
ويحبها غصبن عنه لانها بكل بساطه حلوه
واخت ثانيه اقل من عتىاديه واهلي م يسمونها الا السوداء
بسبب انها سمراء وسمينه وشعرها خشن واثيوببيه
امي تتمنى يجيها لو شايب تقول زين ان قبل فيها
وكثير شفت من اقاربي ومجتمع صديقااتي
نفس الطبع يحسسون الحلوه هي اللي بس بيجيها نصيب
زين والزوج بيموت فيها لكن العاديه والشينه
اصلا انتي ماتستاهلين احد يحبك مع اني دايم اقول
لامي ولا قاربي
ترا الحب والرزق بالزوج من الله ممكن شينه ع كلامكم
تاخذ امير وجميله تاخذ واحد تكرمون كلب يعذبها ويلعن خيرها ويطلقها
يقولون لا لا مستحيل كل الرجال يبون الجمال
ماعليش ع الكلمه
يقولون حتى بالنوم اذا صارت جميله و و وجسم و و
ينسحر اما اذا شينه يطفي اللمبه مايبي يشوف وجهها
ووحده من قريبات امي قالت نفس الكلام
تقول انها تعرف وحده كذا زوجها يصك اللمبه مايبي وجهها
بالله انا وحده اقل من عاديه تعرضت لتمنر كره
وكل عيوب الدنيا فيني وعمري قرب ٣٠ ولا عمري انخطبت
حتى بالغلط قسم بديت اصدق صدق كلامهم