ماعليك منه وبالي يقوله
بيطير بها فترة وبعدين بيرجع لك ويعرف قيمتك
اهم شي انتي خليك سكاتة ولا تناقرينه

والله العظيم اذا شافك مطنشته بيرجع ويفكر بكلامه ويلقا نفسه غلطان
لكن الرجال عموما مايبون احد يعاتبهم او يقول لهم انتم غلطانين
والواحد اذا حط الوحدة في راسه ياويلها
يعطيها كلمة تحرق قلبها وهوماشي
انتي حاولي ماتستفزينه
واذا حاول يستفزك لا تردين عليه واخذي سجادتك وروحي صلي وادعي ربك
ومثل ماقال المثل
ماطار طير وارتفع الا كما طار وقع
انتي قلتي نسي الحب
يعني كان طاير فيك وبيطير فيها مثلك
لكن الحين تحسين انك ولاشي عنده فهي بعد مدة بتصير ولا شي عنده
والرجال طبعه واحد مهما جامل ومهما عدل من نفسه فتره ويرجع ابو طبيع لطبعه
فالي لقيتيه عنده بتلقاه هي
اذا كان طيب او لا
بردي قلبك وخليك مع الله وماراح يخيب رجالك
واقسم لك بالله ان مرت علي ضروف مايعلم بها الا الله عز وجل
ووانظلمت ظلم

تخيلي يجي يشيل من فرش بيتك ويحطه في بيتها ويقفل جواله وش بيكون موقفك

والمصيبة انا الي مشتريته والمصيبة الاكبر انه اخذه وانا خارج البيت يعني لما رجعت بيتي لقيت غرفتي فاضية من فرشها
تخيلي وش سويت
اقسم لك بالله لحد الساعة هذي ماكلمته فيه
لما شافني ساكته وماقلت شي رجع وحس بتانيب ضميره وجاب لي غيره
اصبري وانا اختك ترا الدنيا كلها تعب بتعب والانسان خلق فيها للتعب والمشقة
لكن الشاطر الي يستغلها لصالحه وبشي ينفعه في اخرته
وهم الي ظلمونا حسابهم على الله
ومثل ماقلت سابقا اذا بغيتي تطلعين حرتك وتدعين عليه قولي اللهم جازه بما يستحق
اذا كان ظلمك ربي بيجازيه على ظلمه واذا كان عادل ربي بيجازيه على عدله


اسفة طولت عليك لكن عندي لك كلام كثير في نفسي ياليتني اقدر اعبر عنه

يا حياتي وعمري انتي يا شيوخ العز

ترى الرجل اذا اعرس يشوف الجديدة شي بحيث يطير عقله ويجحد الاولى

ترى انا سمعت مثل هالكلام

بعد عشرة 14 سنة ووقوفي معه ومساعدته ماليا

يقولي انتي مثلك مثلها في كل شي ليش انتي اميزك عليها بشي

انا اللي بنيته وساعدته في مالي ماقدرني ويقولي مثلك مثلها

ولما صرت اطلبه فلوس بناء على كلامه مثلك مثلها يتعلل ان ماعنده فلوس وان راتبه ما يكفي

يبي يستغفلني زي زمان يبيني ادفع

لكن انا صممت انه يدفعلي ولا تصير مشاكل

مدام مثلي مثلها في كل شي , اذا حتى في الفلوس ابي مثلي مثلها وما راح ادفع ولا قرش

والله اني ادعي عليه ان الله يريه الفقر بين عينيه

زي ما ضحك علي واخذ فلوسي والى يومك ما رجعت , ويوفر عشان يفتح لها بيت على حسابي

بس ما ابين له هالكلام بالعكس اضحك في وجهه

الله يصبرك ويربط على قلبك علي بالدعاء والاستغفار

ياعمري ياليت لي احد اروح له
حارمه نفسي من الصديقات واهلي مو عندي وكيف اطلع من البيت من يوديني انا وعيالي
ما اقول غير صبر جميل والله المستعان
المنتظره شيكي على الخاص

اهلا هلا وانا مايصرف علي من 14 سنه الا اهلي عشانه فقير ومع هدا صابره انتظر ربي يفرج عنه والحين جاب على راسي ضره من وين طلعت الفلوس الحين حسبي الله عليه

حبيبتي شيوخ العز ....ماعليه اصبري والله مايخيب رجاك ان شاء الله تتعدل ويمكن يتغير للأحسن ماتدرين والرجال هذا طبعهم مايفكرون الا بأنفسهم انا ياحبيبتي بعت ذهبي وعطيته اياه يدفع الإيجار ويوم جته الفلوس ماقال ابعوضها راح وطق علي مره..والخافي اعظم .وكان يأخذ مني فلوس يقول مامعي واكتشفه يحول لها ويوم زعلت قال الله لايشكر لك فضل ..تمنين علي بحلالك ..وغيرها وغيرها لكن على بالك تغيرت لا والله اللي يبيه اعطيه اياه مدري غباء مدري طيبه ..لكن الواحد مايبي الجزاء الا من رب العالمين ...والا الدنيا كلها شقاء