صباح الورد انا سمعت شئ يخصني

احد معه سفن اب ترى انا اقدر هذا المشروب

هل من احد هنا؟؟؟؟؟؟؟؟؟؟؟؟؟؟

اليوووووم هذاك اول بتبااااشر علينااا بسفن اب محتتترم :icon28: :icon28:


وبنخلي السهره صباااااااحي :42:

تعرفون مشروع فيلسوفة اسم الدلع مشيريع قالت لكل وحده وشلون خليتي زوجك يحبك
انا قلتلها مواقفي المشرفه مع اليخاندرو وقامت تتمهرأ فيني انا قلت مالي الا انتم يامال الغناة تدافعون عني وقمت ونسخت كل شئ كيبته وجبته لكم وانت احكموا



الموقف رقم عشر طعش

]أنا تذكرت موقف لي يدل على حسن تبعلي وتدليلي لزوجي:
هذا الموقف تذكرته وانا اتكلم مع بطني يوجعني الله يشافيها ويخفف بطنها انا قايلتلها اكيد عندها مر بالتسبد وهواللي نافخ بطنها
المهم الحكاية تبدأ بكان يمكان
كان يوم من ايام الربيع وانا عارفة ان اربيعنا مايدرون وشو الربيع بس نسمع عنه الربيع هو ممتاز مع الكتشب(مضيعه عقب السفن أب)
طنت في راس انه يطلع للبر واخذ العيال وقالي ابكشت مع ربعي واخواني وخلاني (اجل انا وش اصير) اهم شي الثقة بالنفس هذي حكمتي في الحياة
طلع للبر وكان ناوي يجمع عراجين
معانب المفردات
عراجين لغير القصيميات هو نوع من انواع الفطر كنه مظله مسويه رجيم شديد ولون ابيض بأختصار كنه فلين مادري وشلون ياكلونه
المهم كان:: يتصل علي كل شوي شفتوا انه يحبني ويقول جمعنا عراجين وفرحان وهم مطارد بالسيارة تراها جيب لاند كروزر جديد (والله ابكشخ)و الشكمان حقها حق دباب راعي البقالة اللي يوصل طلبات بس هذا العيب الوحيد فيها والا ترها ممتازه طرررراااااااااققققق اسفة هذا كف محترم مجهول المصدر والهوية شوي وابشوف منهو من عيالي اللي صطني مع علباتي يالكوره
(عبييييييييييييييد الحين اقوم اتوطاك)جملة اعتراضية تفيد حسن التربية المشتق من حسن التبعل

المهم الضعيف:: جمع الظاهر كل العراجين اللي في البر وحطها في كيس والكيس في كيس والكيس الثاني في البرادة
يوم جاووا للبيت هم والعيال في ساعة متأخرة من الليل روشت عيالي بس علشان تدرون اني نظيفة وماأثر علي السفن اب وروشت:قوزي: وناموا
جيت انا والشغالة نحوس في اغراضهم واشوف الكيس اللي فيه العراجين طبعآ اختكم في الله بحياتها ماشفت عرجون يعني مابينا اي معرفة سابقه




هذي انا شايفتها وين بس مادري تراها ماتقرب لي انا املح شوي
نكمل انا معروف عني حسن تبعلي الشديد المخلوط بقليل من الدباشة مع الكثير من قل السنع وذرة صتامه واخذ الكيس واقول للشغالة بكل قرف ارميه في الزباله ( أرفقي يالزبدة)
لأن ريحته شينه واحسبة شي مجمعينه العيال
طبعآ:: قايل لي ابجيب عراجين والله يانا مشتهيه :: يافرحتي
شقشق الصبح وياليتي طحت مع الدرج كان اصرف او هربت مع شغالتي الثانيه كان احسن
قالي:: وين العراجين قلت انا اي عراجين وكان يفهمني قلت بكل صتامه رميتها في الزبالة
قبل اي سؤال او حتى كلمة لطيفه:: طاااااااااخ طططططططططيييييييخخخ طراااااااااق ططططرررررطططرووق والنتيجة النهائية بس تكسرت خمس اسنان الواحد لازم يكون عنده روح رياضية ويتقبل وجهة نظر الطرف الأخر وان تقبلت وجهة نظره بصدر رحب قلتلكم مافيه احسن مني في التبعل جامعه
المهم طلعوا ومسكني بطرف مقطعي الكرتة ونفظني كم نفضه وقال ابجيب عراجين واسألي وسلون تنطبخ( هي اصلآ وشلون بس بعد ماتكسرت سنوني صارت كذا)
بكل ادب هزيت راسي ومن طلع وانا افر في الأنترنت واسال لحد ماعرفت وشلون تنطبخ
واروح ماكان عندنا لحمة وطلبت ذبيحة للثلاجه وقطعوها يازين تقطيعهم هاللبنانيين كل هذا علشان العراجين
وجاء بعلي من رحلته واعطاني كيس العراجين في وجهي عادي ماقدرت امد يدي وقال بكرة ابيهم على الغداء قلت ابشر وبسعدك
وجاء يوم غدآ المشؤم الذي حلت فيه الكارثة واقوم من فجر رب العالمين اطلع اللحمه وانظف العراجين وكان معهم عرجون شكله غريب غير الباقي بس ماكبيته حطيته وطبختهم وصار فيه ريحه غريبة بس كبيت كل البهارات اللي عندي
وحطيت الغداء وانا ابتسم وغرفت لزوجي العرجون الغريب مع باقي العراجين مادريت الا صار شي غريب مادري وشو بس النور طفى ولع قالي :: وشوا هذا قلت هذا بوهم قصدي ابو العراجين قال:: انتى-------------------------- مدحني بس ماحب اقولكم اخاف من العين
قالي تدرين وشوا هذا قلت عرجون XXXL قال ---------------------- بعد تراه مدح مدح غريب وتقولون ليش احبة
قالي ياصتيمه هذا طرثوث مايتاكل (الطرثوث مادري وشو بس مثل العرجون كبير وملون حتى الوانه حلوه)
بعد هذه الحادث السعيدة احتفلنا حفل بسيط واعطاني اشياء كثيرة لآني يوم رحت لامي قالت ليش لابسه قناع ضحكت انا وقلت وثو قناع هذا وجهي بس حاطة مكياج(هي اصلآ وشو بس مع الدلع الوحده ماتعرف تحكي)
مايستفاد
1- ترى البعير مهوب سفينة الصحراء شكله بصراحه دبشة مايفهم(ترفقي بس)
2- العنز تقول ميو والقطوة تقول مباع بس بدلوا بعض
3-ترى الفيل يعيش في روضة خريم
4- نصيحة لاتكشخون وتاكلون على طاولة الارض احسن واسرع للنحشة
رجاء كل وحدة تقرأ قصتي تذكر الله على حب زوجي لي لاتطقوني عين هو اعرس علي بس يحبني

انت بس ذوقي السفن اب حقي اصلآ بيصير مافيه لاصبح ولاليل

مساء الخير ومبروك الملف الجديد بقيادة الزعيمة منتظرة
كيفكم
تصدقون احسكم بتهربون من الملف من ادخل الملف الاوتهجون وماعاد اشوف رد

باراقبكم الليلة وبتشوفون