وهذا الموقف رقم المية ألف بعد ألألف انا عارفة ماتجي بس عدوها مازلت اعاني من اثار السفن اب


:26:


في يوم من أيام الشتاء الكئيب (حلوة كتابتي صح وقصة شعري طراااااااااع طراق محترم مجهول الهوية)
في يوم غاب عنه القمر وهو أصلآ صبح بس من زود التخوبل وهو نوع من انواع أم الركيب انا عارفة طولتها وهي قصيرة
المهم انا بعلي الحبيب كان سيارته اشوى انها مهيب الجديده الثانيه ابكشخ بطريقة غير مباشرة وأعلمكم انه عندنا أكثر من سيارة ( عنز بدو طاحت في مريس)
المهم كان بيطلع للبر وصاحي من بدري واصحى واجهز له اغراضه وبس اركض واجهز وأسوي ومن زود اللقافة قلت له هات مفتاح السيرة اشغلها علشان تسخن( هذا التبعل السنع)وياليت انخمدت ونمت أو أغمي علي قبل لآأقوله
المهم نقزت نقزت مرة سنعة وأخذ المفتاح واطلع للحوش وكانت السيرة ترمقني بخوف لأنها عارفة وش بيجيها
المهم ماتلاحظون اني كثرت من كلمة المهم
المهم السيارة قير عادي وبعلي مافضى السيارة يعني أول ماتدقين سلف تنط السيارة
وافتح باب السيارة وأركب ومن زود الأخلاص صكيت الباب علي ووووووووو
غمضوا عيونكم وأدق سلف يعني اشغل السيارة مادريت الا شي قال طررررررررراخخخ
وحسيت راسي يدور واطلع الا انا صادمة الجدار لأن السيارة مشت على طول في الجدار وان ماعرفت وش اسوي من الروعة
نزلت من السيارة ركض واروح اشيك على المسدس قبل
وعلى طول زبنت غرفة الشغالة توزيت فيها وركبي تصافق
وقاعدة انتظر وش بيصير ماسمعت الا لسان رجلي يلعلع والجرس يدق الجيران جوا يشوفون وش السالفة ورجلي يقول ابدآ ولدي الله يصلحه بيشغل السيارة ومشت ههه ضحكة مجاملة
شوي الا ينادي علي بصوته العندليبي واجي وانا اتلمس الطريق من الروعة معاد اشوف
والباقي تقطعة الرقابة لأن فية مشاهد مؤلمة
وهذي النتيجه بعد الهوشه
مايستفاد من الحادثة1
- يمدحون السنامكي يقولون زين للبطن
2-أحسن لون للكنب الكحلي
4-أذا جاك زكام امسح خشمك بفوطة

الله يسعدكم سوالفكم تهبل

وهذا الموقف مادري كم رقمه بس اكيد له رقم ابرجع للملفات واشوف رقم المعاملة

:26:

ايه يامشروع التحلية قصدي مشروع فيلسوفة ذكرتني بالزي مزى
رجاء لأصحاب القلوب الضعيفة عدم المشاهدة والقراءه
في ليلة ظلماء كان بعلي الحبيب طالع مع ربعة وبيتأخر وخبركم وحدة فاضية وتنط هذيك الفوكيرة=تصغير فكرة في راسي قلت ابستخف دمي اللي انا عارفة انه ثقيل بس قلت اجرب
وقوزي =زوجي بالمصري يتأخر وقعدت احكك راسي ياخوفي بس حك الراس من شي ثاني وياليتني ماحكيت طلع شي مهوب طبيعي من راسي ومنها هالفكرة اللي بغت تجيب اجلي
المهم قلت ابطلع بفكرتن جديدة واسوي مقلب في رجلي طن طن طن طن =موسيقى رعب
وش سويت من الدلاخة اللي مال امها داعي
قمت جبت مخدة وحطيتها مكاني في السرير وغطيتها بالبطانية صارت كنها انا يوم شفتها قلت اجل من انا معليش مضيعة عقب التكفيخ اللي صار
انا ضبطت المخدة وصارت تمام واروح واتوزى ورى كنب الصالة المهم البيت كان مافيه الا أنا ورجلي بس
المهم ماعليكم بالطويلة جا الحبيب ودخل الغرفة شوي شوي على بالة نايمة شوفتوا يحبني يا شين قل الثقة) وغسل وغير ملابسة وينجطل على السرير
يو تحريته استرخى واجي بكل مافي الدنيا من دلاخة وادب واقربع شي في الصالة وارجد علية باب الغرفة (ياشين المزح والله ماأعرس علي من شوي)
ويفتح باب الغرفة بكل قوته بيشوف وش السالفة الا انا واقفة شاقة الضحكة وجهي بكل صتامة واشوف في وجهي المسدس على بالة حرامي والله بغيت اروح فيها
والله لايوريكم وش صار بعدين اللي تقطعة الرقابه رأفة بقلوبكم الضعيفة
والله ياجاني هوش وتهزيء طارت بوهتي وفاقه كشرتي ماقلتلكم دلاخة غير طبيعية
مايستفاد
1- ترى البرد شين
2-احفظوا العلاج بعيد عن متناول الأطفال
3- لاتاكلون جح ايام البرد
ومن بعد هذه الحادثة عرف رجلي ان ماعندك احد واعرس علي
ال--------نهاي---------------ة

انا كتبت مذكراتي بناء على طلب الكثيرات اللي يبون ياخذوني قدوة


(بس الله لايحللها وجعلها الحرج اللي يحتها حت الورق)دعوة امي علينا حنا صغار وكن نتنافض اذا قالت كذا الي تسوي مثلي وتسرق تبعلي المشرف

ترى انا عندي خبرة في المشروبات ترى يمدحون القاز مع شوي موية نار هاه ترى انا قلت شوي لاتكثرين او مايردك الا منفوحة