روح الروح الى الحين ماسكنت .. بعدين انا قلت له من يوم شرا الارض ابنها وخلها فلتين دبلكس وع شارعين لي مدخل ولها مدخل ةرفض مرا وقالي لاعاد تفتحتين مع موضوع الييت كلمت اخوي قالي مايبي زوجك المشاكل البعد عن الضره خيرة .. قلت مالي الا الله ثم بنات حواء نشوف اراءكم ونصايحكم خلاص ضاقت فيني الوسيعه
اي الاولى تتسلح ووتتبطح ف الملك والله يزيدها من نعيمه حاسدتها على بيتها أعوذ بالله الحين الثانيه هي اللي ناطع في وجهها بعد تبين لها الملك حد الثانيه شقه وشوله كثرة المصاريف لازم يوفر للأولى وعياله منها اجل تبينه يبني بين الثانيه عجبي عجبي عموما حبيت أشارك أعجبني موضوعك
ملكة الورد تسدح وتبطح من حلال زوجي وزوجها والواجب انه بعدل بينا انا ماحسدتها من يوم تزوجت وانا عروسه اثث بيتين لي ولها ماقالت اكلف عليه تو معرس ومهر ومصاريف زواج. . ابسط حقوقي ياثثث لي شقتي اللي ساكنه فيها ورافض يقول اثاثك جديد وهي طيب ماثث معي لها نفس السنه وجديد بعد .. واذ فتحت معه هالموضوع يقولي انا جاي برتاح لا تنكدين علي طيب كيف ارضي بحقي وانت كل ماجيت اتكلم تقول تنكدين.. ماقول الا حسبنا الله ونعم الوكيل
الله يجزاكم خير كل اللي جاء في بالكم قلته له .. هي ساكنه دور كامل مو شقه بيت اخوة طبعا بدون ايجار .. وانا ساكنه فوق اهله شقة صغيرة حمام ومجلس وغرفة نوم ومطبخ غرفتين زيادة بس .. من ناحية الاثاث اول ماتزوجني اثث لها يعني اثاثها جديد والحين اثث لها من جديد في بيتها الجديد ع قولته كبير حتى المطبخ ركب لها جديد وقلت وانا من حقي اثاث جديد وسكني بيت ايجار ابسط حقوقي قالي مافي ايجارات مافي ادفع حق ايجارات وزوجي مقتدر .. يعني طول عمري بسكن فوق اهله لين اموت قهر والدنيا ضاقت علي ..حسبنا الله ونعم الوكيل .. ماحط راسي ع المخدة الا دموعي تسابقني ..الله يجزاكم خير كل اللي جاء في بالكم قلته له .. هي ساكنه دور كامل مو شقه بيت اخوة طبعا بدون ايجار...
زوجك ماخربه على زوجته وخلاه يجيبك على رأسها الا انه ساكن ببلاش أشوا أني ما عطيت زوجي وجه ومفضيه مخباه. بعدين معليش وش يصيحك اثاث ولا قاهرك بيتها ترى لوبيدها هي تكب الأثاث والبيت ولاترجع لحظه خيانته لها جرحك وغيرتك نقطه في بحر من جرحها غيرتها خليه يعوضها عن صبرها وجرحه اللي ماينبري كل العمر بعد هي تنقهر انك خذتي نص زوجها منها وخربت حياتها كبري عقلك وخلي عنك الضعيفة الله يسخر لها زوجها ويسعدها ويريح قلبها ويهنيها ببيتها. انتي اصبري تراك موفالشارع في شقه خاصه يعني زين منه ماقصر معك
الصفحة الأخيرة
بالنسبة كونه حط الاولى ببيت الملك مدري احس من حقها بعدد الأولاد والسنين والأثاث أكيد بيكون جديد لان البيت غير وجديد ،،، ولا أشوف ان له علاقه بالعدل انه يجدد اثاثك انتي ان شاء الله يبني لك بيت ويأثث جديد ...ولو منك أتحمل كم سنه ببيت أهله عشان يجمع نفسه ويبني لي ترى البناء مو بسهل ماديا حتى لو مقتدر
لا تخلين ابليس يلعب عليك بس وللعلم تراي ثانية بس عطيتك رأي المنطق والعقل دون غيرة