انتي زوجه او عروسه او بنت ادخلي الكل يدخل

السلام عليكم
موضوعي موجه لكل متزوجه من زمان ولكل عروسه ولكل بنت راح تتزوج عاجلاً او اجلاًفي مجتمعنا وللاسف تكون فكرة الزواج عند الزوجه بعني إمتلاك الزوج يعني تقص عليه صك ملكيه وتلغي ماضيه كله اهله واقاربه واصدقاءه هذا الواقع ونقول تسعين بالميه من مجتمعنا الوحده لما تتزوج خلاص تعتقد ان الزوج اصبح لها وتجن لو فكر حتى مجرد التفكير باحد غيرها لا أم ولا أب ولا أهله ولا أي أحدتبغاه طول وقته معاها واذا طلع يتصل فيه والا يرسل لها رسايل ويا ويله لو اتصلت ومارد حتى لو طالع قبل عشر دقايق واصبح تفاخر الوحده بين اخواتها وقريباتهاوصديقاتها اني مايرفض لي طلب اني الكل بالكل انا لا انكر حق الزوجه بالعكس حقها عظيم والمفروض مايقصر معاها بشي والمفروض ينفق عليها نفقه كامله حتى لو كانت موظفه والمفروض يراعي شئون بيته واولاده لكن اللي شايفته ان الوحده تبغاه يصرف عليها وعلى اخواتها واهلها واقاربها وتبغاه سواق يخلص اشغالها واشغال اهلها ولا تتنازل ابدا عن اي مشوار وتلقاها في مجالس الحريم تتكلم فلان سوا لي وسوا لي وجاب لي ووداني اكن ياويله لو يروح نص ساعه لاهله ويويله لو يجيب حاجه لبيت اهله لكن ياويله لو يودي امه مشوار او يجيب لها هديه ويا ويله لو يقدم خدمه لواحد من اخوانه واخواته  وياويله لو يكون في امر بينه وبين اهله ولا عندها علم به و لازم تعرف كل اسرارهم وكل اخبارهم لا تقولون اني ابالغ انا شفت موضوع هنا قبل فتره تقول وحده هل المفروض اهل الزوج يدرون اذا بغيتي تسافرين مع زوجك ...ياربي ماتبغاهم حتى يكون عندهم خبر هم مش رايحين معاها هي ماتبغاهم يدرون ..!!!المفروض الزوج مايمشي الا بإذن والده ووالدته ويسلم عليهم يعني يسافر مايسلم عليهم ?اتقوا الله يابنات ويازوجات لا تنسون ان الزوج له ام واب واخوان قبل لا تكونين انتِ زوجته لا تنسين سهر الليالي والتعب والشقا اللي شافوه والدينه لاتنسين كم تعبوا وربوه وعلموه وكم تكلف زواجه وانتي تجين تاخذينه على الجاهز لاتنسين انك راح تكونين ام وفي يوم من الايام. يكبر ولدك ويتزوج وراح تحتاجينه ويكون بعلمكن الدنيا سلف ودين وان الايام دول وان الله رقيب يا اخواتي ارتقن بافكاركن وربن بناتك على دورها ومالها من حقوق وماعليها من واجبات اغرسن في بناتكن الخوف من الله وعلمنهن اصول الحياة الزوجيه الصحيحه