مشكورات عزيزاتي على المساعده وادري انكم ما راح تقصرون معانا والله يوفقكم ان شاء الله

بنت آدم انا بالنسبه لي نا مورايحه زياره باذن الله رايحن دراسه لمدة اربع سنين بس فترة الاجازات يعني بنطلع بلادنا

يعني عادي اقدر افيز على شغاله وانا في استراليا ؟؟؟؟؟؟؟؟
وهل تكلفني الكثير ؟؟؟؟؟؟؟

السلام عليكم ورحمة الله وبركاته


أنا راح اسافر إن شاء الله شهر 7 إلى بيرث،
لأن زوجي يدرس هناك ،
بس بتم شهرين ونص وبعدين برجع لأني أكمل دراستي الجامعية في بلادي،
وباقي لي كورسين وأخلص وأنتقل إلى بيرث،
حيث أن دراسة زوجي مدتها خمس سنوات.



المهم عندي طلبين:

الأول: أبي أتعرف على عضوات المنتدى اللي عايشين في بيرث - استراليا (وبالأخص القطريات)


الثاني: بودي لو تتكرمين أختي الفاضلة (اللي سافرت أو موجدوة في بيرث) بالإجابة على تساؤلاتي التالية:

1-الجو في شهر 7 و8 و9 بارد،أم شديد البرودة؟

2- احتاج ملابس شتوية نفس اللي البسهم للشتانا ؟

3- وضع المنقبه هناك وهل توجد مضايقات(أنا منقبة وماراح اشيل نقابي بس أبي أعرف عشان استعد نفسيا)؟


وجزاكم الله خير

يا هلا ينات استراليا كيفكم

جلنار
يا هلا فيك لو تراجعي الموضوع وترجعي لصفحاته في معلومات عن بيرث
كتبتها اختي بنت ادم وعن الحجاب

نجمه السهر
حياك الله
بالنسبه للشغاله انا حاولت قبل وما صار اجيبها ما سمحو لي الا 3 شهور فقط غيرت راي وما جبتها غير كذا البيوت هنا احسها ما تكفي عشان يكون معاك شغاله وحتي السياره لازم تكون علي عدد افراد الاسره يعني كل فرد علي مقعد

فيه شغالات بالبارت تايم يعني تجيك بالساعات الساعه تقريبا من 15 الي 20 دولار

مون
توصلين بالسلامه وانشاالله تنبسطو باستراليا اول ما توصلي علمينا
علي فكره الشتاء السنه هذي تاخر بالعاده في شهر 4 يكون الجو بارد بس
جو مالبورن ما بيه امان توه حار وتوه بارد ومطر

بنت ادم
ام فيصل
ام تامر
الملاك الغريب
عاشقه الباطنه

شو اخباركم عساكم بخير

عين حمران
اهلين اختي والله مشتاقين وانتي شو اخبارك ويا الانزك دي معطلين يوم الاثنين مثلنا ببرزبن ولى لا ؟