انا هنيييييييييييييييي مووووووووجووووووده لساتني مارجعت لديرتي
كلها شهر و10 ايام وارجع :42: ادعولي بس اوصل بالسلامه
ياااااااي مشتاقه حيل مشتاقه لج ياعمان


جيت اسلم واطمئن عليكم وارد على استفسارات بعض البنات

بنات الي سألت عن الدراسه واقصد الدراسه القصيره ( اكيد بعضكم في الجامعات ) بس الي جايه مرافقه لزوجها الي هو مبعوث للدراسه فهني احب اجول لكم سالفتي وان شاء الله تستفيدون منها

انا صارلي سنتين هني وجيت لانه زوجي يدرس وهذه السنه الاخيره له هو خلص بكالريوس وهذه سنة الماجستير له وان شاء الله 3 شهور ونص ويخلص ويرجع
انا يوم جيت كنت اتمنى الاجي كليه تجميل وللاسف لاني مو عارفه الدوله عدل والاماكن اخذت كورس طباعه في معهد تيف والحمدلله المدرسه كانت مافي احلى واطيب منها وعلى فكره كانت تموت بشي اسمه حجاب وعطيتها هديه حجاب ملون وعلمتها شلون تلبسه بس كانت تلبسه على شكل شال هههههه وحليلها وتجول كل حد اعرفه جلت لهم اني اعرف اربط الشيله واوريهم طريقه لبسها
والطلبه الي كانوا معي كلهم كبار في السن وكنت اصغرهم وكانوا يجولون لي لا تحسين بالغربه وحنا كلنا تحت امرج باي شي تطلبينه لاني كنت توني جايه لهني وماعارفه حد

بعدها بكم شهر دخلت كليه تجميل حلمي الي كنت احلم فيه اني اخذ دوره في مجال التجميل ( مكياج الوجه ) وكانت لمده 7 شهور واخذت تخصص مكياج الوجه والعنايه الفائقه بالبشره
طبعا على كيفيج تبين دبلوم ولا تكملين بس يعتمد على نوع التخصص يعني هل تبين مكياج وبس ولا تبين معاهم اظافر وفيشل وحلاوه و و و وكل شي بخصوص التجميل

انا اكتفيت بالمكياج وبس وكانت مدة دراستها 7 شهور ولو تبين تدرسين اشياء اضافيه مثل الي ذكرتها لكم فوج تاخذ منج فتره اطول
والكليه خاصه للبنات والطالبات وطاقم التدريس شنو اجول عنهم في منهتى الروعه والله يعني ابد مايحسسوج انج غريبه بالعكس كانوا يسالوني كل شي عن حياة العرب واهل الخليج ويمدحون فينا وفي جمالنا خخخخخخ وعلمتهم اشياء كثيره والله

المهم خلصت الكليه هي يسمونها اكادميه وخلصتها الحمد لله واستلمت شهادتي قبل يومين وفرحانه وايد لاني برجع وبسوي لنفسي شي




هذا بالنسبه للدراسه


بالنسبه للي سالت عن الاشياء الي تاخذها وياها بصراحه سحبي كل شي :42: تشوفينه جدامج من ملابس داخليه او ملابس دلع او ملااااااااااابس اطفال
كله ولا ملابس الاطفال روووووووووووووووووعه بشكل بصراحه
عندهم الوان وحركات حلوه كثير واسعارهم جدا جدا رخيصه بالتنزيلات مقارنه باسعار الخليج
بصراحه اسعار السوج هني في موسم التنزيلات عن جد رخيصه بشكل كبير وفي الايام العاديه هم رخصيه بصراحه بالنسبه لاسعارنا هناك
وبصراحه مافوت هالفرصه مني وسحبت الي اكو والي ماكو :42:

اما ادوات المنزل والاشياء البقيه فهذه صعبه جدا انه الواحد يحمل هالاشياء من هني وهالاشياء عندنا منها كثير في الخليج وخاصه دبي تلاجين كل شي نفسج فيه


بنات تعبت اطبع هذا الي عندي الحين ارد لكم بعدين :27:
واي استفسار حنا بالخدمه

بنت ادم مشكوره على ردك السريع...واستفدت من الرابط


جيكره ما شا الله ....بس الظاهر انه اللغه الانجليزيه عندك توب.....وهذا اللي ساعدك...واذا عندك اشياء زياده نورينا...وان شا الله توصلين بالسلامه....ولا تنساينا لما تروحي عمان

عاشقة الباطنه اي توب واي لاب توب هههههههههه :42:
لا حبيبتي لغتي كانت جيده وليست جيده جدا او ممتازه
وعانيت بالبدايه من طريقة كلامهم وسرعتهم بالنطق
بس شوي شوي الحمدلله بديت استوعب واتعلم كلامهم
ولحد الحين ماني توب ولا شي بس احسن من الاول والحياة تعلمنا اشياء واشياء :)

وصدجيني كنت متخوفه من اني اخذ اي كورس قبل لا اخذ لي كورس لغه انجليزيه بس الحمدلله مع الدراسه والتحدث للبنات الي معاي تعلمت شوي شوي وصدجوني ترى الشعب الاسترالي من اطيب الشعوب الغربيه واكثرهم متفهمين للوضع العربي وخدومين بشكل كبير


والله يسمع منج وارجع بالسلامه يارب


خلني اتذكر فوائد هالبلد وشلون نستفيد منها وبرجع اكتب لكم
صدجوني الغربه صج مره وكريهه بس دامنه الواحد جه لها مجبور فليش ماندور ايجابيات الغربه ونتعلم ونستفيد منها

والحمدلله لي صديقات من بلدي هني كثير ولي عدد قليل من الاهل يدرسون والحمدلله ماحسيت بالغربه لذيج الدرجه ومع ذالك احن لعمان وهلي كلهم :06:

جيكره...ياريت ترسلين لي اسم معهد التجميل وفي اي مدينه:27:

بنت ادم بالفعل المنتج هذا جيد وانا دائما استخدمه وخاصه المناديل حلوه وسهله وخاصه لما يكون عندك ضيوف هنا مطابخهم اغلبها كاونتر وقباله الباب يعني لازم تتنظف كل شويه

جيكره مشكووره علي المعلومات الحلوه وشايفه معنوياتك عاليه الحمدالله اكيد من الفرحه للرده وشفت هلك توصلين بالسلامه انا سوالي مثل ام فيصل ننتظر ردك

عشوقه عيني صرت تخافي لحد يكون زعلان الله لا يجيب الزعل