هلا ام تامرالحمدلله على كل حال حاولت على جد مااقدر اوفق بين البيت وتربية طفلي الاثنين وبين الدراسه وبين الشوبينج ههههههههههههههه كله ولا الشوبينج

عيوني مب انا الي درست فن الصور ( انا درست التجميل )
ذكرت انه في عمانيه كانت جايه قبلي وللاسف هي ماتحملت الغربه وجعدت فيها بس 8 شهور وشرررررررردت لعمان ههههههه
هي اخذت كورس تقريبا لمده شهرين او اقل بس والقيمه ماادري والله عنها بس كل الي اتذكره انها لجت العنوان معلق في احد المحلات او على مااتوقع في احد السوبرماركتات وخذت الرقم واتصلت عليهم فكان هو عبارة عن منزل لاحد كبار السن الي يدرسون فن الصور
وكل الي معاها كانوا كبار في السن لانه الاجانب بعد التقاعد مايحبون جعدت البيت ويبون يستفادون من وقتهم وياخذون لهم اي دوره
المهم هي كانت مستانسه كثير وبحاول اسال اختها لانه اختها موجوده هني تدرس وبعطيكم الرد بس مااظن انه الرد بيجيني بسرعه صبروا علي اسال لكم رقم البيت الي هي كانت تروح لهم :)

وعلى فكرة هالدوره مااتوقع انه لها شهاده هي بس ممارسة هوايه لا اكثر لانها تقام في احد المنازل
واظن انها تعلمت بعد عمل قصاصات وتثبيتها على الجدار وصبغ الجدار وهالحركات
لاني سمعت انها يوم رجعت عمان صبغت بيتها وتفننت بجدران الغرف وسمعت انها تمارس الهوايه كعمل
يعني استفادت من الدوره وصارت تسوي اشكال وحركات لجدران الناس وطبعا تستلم مبلغ على مجهودها

شفتوا الشطاره والله بالفعل كانت شاطره لانها هي تشتغل شغله بالصباح دوام صباحي وبليل تمارس هوايتها وتكسب عليها بعد
البنت اعرفها من يام وجودي في مسقط وهي اول وحده يوم وصلت هني وقفت معي ونصحتني على الاماكن ونصحتني استغل وقتي بكل شي سواء بتعليم الاطفال او تعلم اللغه او الدراسه او اواو


انا الحين برسل لاختها وبنطر الرد




واي حاجه ثانيه انا بالخدمه


بس الي في بريزبن سؤال لو سمحتوا
بالنسبه لمدارس الاطفال تحت السن الخامسه كيف كانت اسعارها

انا دخلت عيالي اول ماوصلت وكنت اوديهم المدرسه كل يوم الجمعه وبس
كانوا ياخذون على اليوم الواحد فقط 81 دولار :11: استرالي
يعني تخيلوا لو كنت اوديهم كل يوم كم كانت التكلفه
كنا نعيش على خبز وزيتون :o

علشان تشذي دخلتهم يوم واحد بالاسبوع وفي هذا اليوم اوديهم من الصباح لين الساعه 6 المغرب
ويكون يوم اجازه لي واطلع اتفسح لحالي مع زوجي او مع صديقاتي

والحين طلعتهم من المدرسه علشان خلاص برجع وبدخلهم ان شاء الله في بلدي

بس سؤالي هل هذه الاسعار لكل الاجانب الي هني ( اقصد المغتربين ) لانه قبل فتره بس زوجي سمع من وحده تدرس هني وهي جايه مع بنتهاا بس بنتها كبيره في الاعداديه وجالت له المفرض ببلاش لانها هي ماتدفع شي لمدرسة بنتها لانه الام طالبه هني ومن حق عيالها يدخلون من دون فلوس

والله غريبه يمكن الي في التمهيدي والروضه يكون بفلوس والي بالابتدائي وما فوق يكون ببلاش ولا ؟؟؟؟؟

انطر ردكم ياحلوين

السلام عليكم ..

أهلين بنات .. و شكرا على المعلومات القيمة ..

بالنسبة للدراسة في المعاهد هنا.. فكليات( تيف ) تعتبر من أقوى الكليات و فيها تخصصات

كثيرة جدا و متنوعة

على سبيل المثال هذه بعض الكورسات لعام 2004 ( أعمال السيراميك - تصوير - محاسبة -
إدارة أعمال - تسويق - تطوير إداري - خدمات تجارية - عقار - خدمات المجتمع - خدمات
أطفال - فن التجميل - العلاج التجميلي - تصفيف الشعر - الإعلام الرقمي - تكنولوجيا
المعلومات ( تصميم مواقع - إدارة أنظمة كمبيوتر - أنظمة التشغيل - هندسة شبكات ) -
مكتبات - إعلام - سياحة ..... و غيرها كثير

و غالبا يكون المتطلب شهادة تعادل الشهادة الثانوية في بلادنا..إلا إذا كان الكورس متخصص مثل كورسات الهندسة و التمريض.

و يوجد لها فروع في كثير من المدن

في سدني يوجد الفروع التالية :

.Design Centre
East Sydney Campus
Petersham Campus
Randwick Campus
St George College
Sutherland - Gymea Campus
Sutherland - Loftus Campus
The Eora Centre
Ultimo Campus

في جنوب غرب سدني الفروع التالية :

Bankstown College
Campbelltown College
Granville College
Lidcombe College
Liverpool College
Macquarie Flds College
Miller College
Padstow College
Wetherill Park College

. بإمكانكم الإطلاع عليها على الموقع التالي :

http://www.tafensw.edu.au/

*****************************************

بالنسبة للأسعار فالدفع يكون حسب عدد ساعات الكورس.. يعني يحسبونه بالساعة.. و غالبا يكون للمواطنين مجانا .. و للمقيمين بأسعار رمزية..

يعني فيه كثير ناس يقدمون على Permanent Residence إقامة دائمة, حتى لو كان
مو في نيتهم يقيمون فترة طويلة و يستفيدون من الخدمات الطبية و المدارس الحكومية.. يعني
تصير أسعارها رمزية جدا .. بالمقارنة فينا ( فيزا زيارة أو دراسة ) Temporary Residence إقامة مؤقتة.

ممكن السؤال عن كيفية الحصول على هذه الفيزا من مكاتب المحاماة أو على الرابط التالي :

http://www.immi.gov.au

***************************************

فيه أيضا كليات اسمها ( كليات المجتمع ) Community Colleges

فيها دورات متنوعة و أسعارها منخفضة نسبيا .. و فيها أيضا دورات قصيرة المدة لمدة اسبوع
او اسبوعين أو حتى دورات ثلاث أيام مثل دورات إصلاح الكمبيوتر.. أو دورة فوتوشوب مثلا ..

الدورات في هذه الكليات تتنوع بين فنون ( حرف يدوية - تصوير - مجوهرات فضية - أزياء -
خط ) , و لغات ( بما فيها دورات لغة انجليزية ) , و أعمال ( كمبيوتر - إستثمار شخصي ) ,
إتصالات , رياضة .

و هذا رابط فيه جدول لفروع هذه الكليات في نيو ساوث ويلز.. مع مواقعها الإلكترونية..

http://www.acensw.com.au/sydney.html

ماني متأكدة بس أتوقع فيه مثل هذي الكليات في ولايات أستراليا الأخرى.

*****************************************
إن شاء الله يكون فيها الفائدة للجميع :27:

بنت ادم والله ما قصرتي ما شا الله...............وان شا الله بنات سدني يستفيدو............بس ما خبرتينا انتي ما التحقتي بوحده من هالمعاهد؟؟؟:26:

أهلين .. عاشقة الباطنة..

نعم عزيزتي إلتحقت بكلية تيف ( دورة كمبيوتر )

و بكلية المجتمع ( ICDL Course - دورة كمبيوتر أيضا )

و خلصت الاثنين.. و الحين قاعدة.. :55:

اهم شي استفدتي؟