انتي قرقاره

السلام عليكم يا اخوات
راح انزل موضوع لأول مره ومارح أتردد بطرح مشكلتي،انا طول عمري بنت هاديه وراكزه وكلامي جدا كان قليل بعد زواجي بأربع سنوات كنت مثل ما انا بس لمن جبت بنتي طول فترة حملي اعاني القرقره الكثيره وماحب اجلس الا اتكلم والله ان اللي حولي كلهم ضاقو وحتى بعد الولاده ضل معي هالشي ومدري كيف جاني وصرت احب اتكلم وابي اتكلم بس اتكلم والحين حامل وبس الموال نفسي ابكي صارو اهلي يشكون مني وربي ماحد متحملني يعني كل ماجلس مع احد فيهم كل واحد ع شغله او جواله هم بعد بعيدين مايبون السوالف وامي طول اليوم مع الوالد ولمن اجيها وقت الفراغ تكون تبي وقت لنفسها على النت وأعذرها والله ونفس الطريقه زًوجي قليل الكلام مره واحسه يطفش مني كثير وصرت اسحب عليه ماسولف كثير معه مابي يقرف منيوصديقاتي بعد مالتقي فيهم كثير والله عندي طاقه مادري وين اصرفها وكيف اصرفها اخ لو اقدر استغلها بشي ثاني يمكن نجحت واخاف بنتي تاخذ عني هالعاده وتصير بس تتكلم والله السوالف حلوه يابنات ايش اسويالناس ماتحس بنعمة اللسان ابدا والحمد لله ماني مِن النوع اللي يحش بس اصارحكم من النوع اللي اذا فقع شكى شكى وابي حلول امانه بدون تريقه