بسم الله الرحمن الرحيم
كيفكم صبايا ان شاء الله تمام وكيفكم مع الاختبارات الحمد لله انا خلصتها وبدعــت فيهــآ :35:
اليوم جا ببالي اكتبلكم قصتي مع ولد خالتي ورآح اقولكم اخر القصه ليش كتبتها
انا من صغري وانا اسمع انوا انا لفلان وفلان لي وكبر معاي وطبعا بحكم انوا ماحد اكبر مني من جماعتنا الا هوا
كنت مجنونه فيه واحب العب معاه وماحد قدي ادا شفتوا انا من بلده وهوا من بلده تانيه مرت الايام الين ما جا اليوم اللي قالولي خلاص انتي لازم تغطي منوا بكيت حاولت معاهم انوا بس اتحجب منوا هوا واخوه بس ما رضيوا
تغطيت منوا بس لمى كنت اشوفوا افرح وعيني ما تنزل منوا وبس اسمع سيرتوا تلقوا الابتسامه شاقه الوجه
وطول الوقت مترزه عند خالتي واتميلح ونفس الكلام متى ان شاء الله تتخرجوا ونزوجكم كنت استحي وكل العيله عارفين حتى بنات خالاتي الصغار اول ما يسمعوا اسموا يطالعوا فيني ولمى صرت في اول ثانوي تقدملي واحد
وعلى طول رفضت بسرعه بدون تفكير حاول ابوي اني افكر واخذ وقت قلتلوا انا ما راح اتزوج الا بعد ما اتخرج من الثانوي واني مو قد مسؤليه بحكم اني دلوعه :35:
في ثاني ثانوي عرفت انوا يعرف بنات ويكلمهم انا هنا جن جنوني بس اموا مستمره بكلامها انها تبغاني لولدها وكلمت امي وقالت لابوي بس قال كل شئ نصيب لمى يخلصوا دراسه نتكلم بدي المواضيع
وبدى الشيطان يلعب براسي انوا هوا اصلا مو مفكر فيني وانا متعذبه ع الفاضي جاتني فكره شيطانيه
صديقتي اعز وحده على قلبي كانت في هذيك الفتره تكلم شباب بس الحمد لله بطلت >>لا تقولوا ليش ما قاطعتيها ولو سمحتوا لا تقولوا كلام عنها ترى من جد ما ارضى عليها
المهم قلتلها يابنت الحلال انا بس ابغى اعرف يحبني ولا لا وقفلي ع الموضوع واكسري الشريحه ولا تكلميه
قالت اوكي وصار اللي صار تعرفت عليه على اساس انها وحده داقه بالغلط وقالها ولد خالتي وبعد فتره قالها انوا صح يكلم بنات بس هوا يحبني بس ما يدري انا احبوا او لا >>مدري كيف يحبني ويكلم غيري
المهم اخذ ايميلي مدري من وين وكلمني وماكمل اليوم الا وقالي انوا هوا ولد خالتي
ترى كنت ادري انوا هوا بس يوم قالي حسيت بخوف وجسمي كلوا يرجف المهم صرنا نتكلم بالمسن وكلامنا كان جدا عادي
بعد فتره صرنا بالجوال مرره ترددت لاني ما قد سويتها بس قلت ماداموا حيبطل ويسيب الصياعه اتهور شوي وياليتني ما تهورت وخليتوا في اللي هوا فيه
وقالي انوا مسح ارقام كل البنات طبعا صديقتي كانت تكلموا هذيك الفتره وععرفت انوا يكذب عليا وحاولت اعرف منوا المهم استمرينا على دا الموال سنه ونص وكان يزعل لمى كنت اكلموا برسميه بس ماتنازلت وسيوت اللي براسوا المهم جا اليوم الكئيب وعرف خالي لانوا كان مراقب ايميلي وما كان يعرف انوا نكلم بعض بالجوال وعصب ومسحت ايميلوا من عندي ولمى حسيت انوا مافيه امل ووقتي يروح ع الفاضي معاه قررت اسيبوا وبكيفوا هوا يعرف وين بيتنا وبعد فتره عرف انوا صديقتي هيا اللي كانت تكلموا وانوا انا اللي رسلتها عصب وقلب الدنيا وما خلى ولا بقى واصر يفضح صديقتي وطبعا هوا هددها بس انا ماكانت بيني وبينوا اي شئ في ه الفتره ولمى عرفت رجعت ايميلوا عشان اتفاهم معاه بخصوص صديقتي و قلتلوا لو يبغى ينزل حرتوا في احد ينزلها فيني انا وهيا ما لها ذنب وطبعا بعد ما ترجيتوا تراجع من اللي في راسوا واخذت كلمتين تسم البدن وكنت متقبله منوا بس اديتوا كلمتين حلوين
بس قالي مارااح تتزوجي احد غيري انتي ليا انا وبس وصديقتي اكدتلي انوا يحبني من كلاموا لها
بنااات انا ليا سنه من يوم اللي صار وحاسه انوا شايل بقلبوا عليا رسلتلوا رساله واعتذرت منوا رغم انوا هوا الغلطان وقالي انا ما اشيل على بنت خالتي بكيت لمى قريت الكلمه دي
تعبت من كثر ما اكذب على نفسي واقول اني ما احبوا
ليش الموال حقت الحريم لمى تجي تقول فلان لفلانه ما فكررتوا ايش حيصير بالبنت بعدين
ايش عرفتكم انوا حيبقى يحبها ولا ما حيحبها ايش يعرفكم بمصيرها حيكون معاه ولا مع احد تاني
تكفووووووون لا تعيدوا دا الموال بنات خالاتي الحين يقولوا عمتهم مسويه نفس الموال انتي لفلان وفلان لك
البنات تعلقوا بعيال عمتهم واقنعتهم انهم ما يفكروا فيهم
قلبي يعورني على ولد خالتي ومو قادره انساه مسحت رسايلوا ومسحت صوروا من عندي ما خليت اي شئ يذكرني فيه بس المصيبه اني اشوفوا في كل اجازه قدامي وارجع لحالتي النفسيه مره تانيه
صرت مكتئبه حزينه بع ما كنت فرفوشه ومبسوطه
ندمت اني خنت ثقة اهلي فيني وثقت ربي قبلهم
ندمانه اني عصيت ربي وتنازلت عن نفسي عشان واحد ما يستاهل
كذااب اناني ما يحب الا نفسوا
خايفه منوا كثييير ما ابغاه كرهتوا وما كرهتوا
احس نفسي مكسوره تعرفوا ايش يعني حب طفوله حب الاول بحياتي وما اتوقع بحب انسان كثروا بس خخسارة ه الحب اللي جا لواحد ما يستاهل
اتمنى ما القى ردود تجرح لانوا اللي فيني يكفيني
بس كتبت قصتي عشان البنات لا يتهوروا هذا وولد خالتي وسوا اللي يسويه غريب
ترى ما حد له امان صرت حتى نفسي مو واثقه من انوا يخوني بوقت
والامهات انتبهوا انتبهوا من الموال العبيط دا
ادري كلامي ملخبط وطويل بس حبيت انوا تستفيدوا منوا عشان ما تطيحوا في اللي انا طحت فيه
Miss 5oo5a @miss_5oo5a
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
الموهم
الله ييسرلك مافيه خير لك دنيا وآخره