لا تشربي من الصنبور لانه يكون فيه اتربه من الخزان وهذى مضره بالصحه

بصراحة اخاف اشرب من ماء الحنافيات شوفي فيه ناس عادي تشرب من الحنفيات متعودين وفيه ناس كسل وحبا في السرعة وهذا ينطبق على اخوية الله يشفيه الوحيد فينا اللي مستهتر كان بمسألة الماء الصحي وكان يقول عادي كله مويه سواء من الحنفية او من القارورة والحين عنده مغص كلوي الله يشفيه ..

صحتكم مهمة كل شي يروح ويرجع الا الصحة فاستخدمي ماء الحنفية للغسيل والتنظيف واذا بيتكم ملك وانتم تنظفون الخزان باستمرار مثل اهلي فاستخدموه للطبخ اذا كانت الموية حلوة .. واذا لا فيه شركات تحلية تعبي لك دبات موية ..

انا استخدم الحنفية للتنظيف والغسيل .. واشتري كراتين قوارير ماء للشرب بس تعبنا ما تكفي فصرنا نشتري دبات كبار زي هاذي


نستخدمها للشرب والطبخ وكل شي .. وابغى اقلك سر :) لما تزوجت كان زوجي :arb: معارضني في حكاية ماء الحنفية يقول لي اشربي منها واش فيها انتي تدلعي والا اش حكايتك وانا كنت اتقرف منها واخاف وما اشرب الا اذا نشف حلقي :09: وجلست وراه وراه ازن الين صار يجيب ماء تحلية كان سعر الدبة ريالين بس فصرت اشرب منه واعمل الشاي بس لكنه لاحظ ان شكل كاسة الشاي صافية مو مثل اول مغبرة فاقتنع بكلامي وصار يجيب دبات ماء صحي وصار يدعي لي الحين يقول اول كنت احس بالم في الكلى لكن الحمدلله تحسنت ..

هههههه ما كني استرسلت لكن حبيت اقولك تجربتي بامانه

لا مانشرب من الحنفية

ولا حتى نسوي منها شاي لانه بيصير كدر مو صافي

ركبيلك جهاز التحليه وريحي راسك

انا اشرب من البزبوز وكذلك الطبخ والغسيل والحمد لله نظيفه حتى طعمها افضل من بعض علب المويه وصراحه يا اخوات بعد ما شفت مقطع عن دوله اسلاميه يتمنون الماء ولا يجدونه وان وجدوا الماء يكون لونه اصفر مدري تتذكرون برنامج خواطر قبل كم سنه عرض على قناة الرساله وال ام بي سي فحمدت الله على النعمه اللي احنا فيها الله لا يجعل لها عدم اهم شي تتأكدي ان الخزان تبع البيت والحنفيه اللي فوق البيت نظيفه وما فيها طحالب او اي شي يضر او ان تكون مكشوفه والاهم مصدر الماء اذا وثقتي فيه والاهم ثقتنا بالله