السلام عليكم ورحمة الله وبركاته..
كيف حال الصبايا..!؟
خخخخ لي ساعه اكتب وامسسسح مدري كيف ابدأ،،،
زبدة الموضوع ياحبيباتي سؤال مني...
كـــيـــف تقدرين تحافظين ع نفسك وتبعدينها عن ملذات الدنيا..!؟
خصوصا اللي كانت مو ذاك الزود بالالتزام وهداها الــلــه سبحانه..
أكككيد البدايه صعبه ويمكن البعض رجعت ثم حاولت تلتزم ثم رجعت وهــكــذا..
انا لي فتره مدري شلون سبحان الله احس اني صرت افكر بالآخره اكثر..يعني كنت اشوف الوفيات وموت الفجأه يكككثر فخفت،،
بـــس اللحين مشكلتي احس اني اجاهد نفسي واحيانااحس مقدر استمر وانا ماودي ارجع نفس قبل،،واتذكر حديث سيدنا عليه افضل الصلاة واتم التسليم القابض على دينه كالقابض على الجمر..
قبل كنت ااخر الصلاه واصليها بسرعه لاطمانينه ولاخشوع استغفرالله،،
الغيبه استغفرالله كنت مستسهلتها بزياده يمكن هذول اكثر شيئين كان التفريط فيهم..
اللحين الحمدلله احسن بس احس اني افلت احيانا،،
والحمدلله عبايتي غيرتها مع انها كانت ع الرآس بس ماكانت فضفاضه فصلت عبايه واسعه ووالله اني فيها احسس براااحه كبيره الحمدلله
ع الواتس اب احاول انشر رسائل دينيه...
المسلسلات احاول ابعد عنها قدر الامكان..
والصلاه احاول مااخرها مع انو بنتي احيانا تسهرني بس اضبط اكثر من منبه ع وقت الصلاه تقريبا ست تبيهات بينهم كم دقيقه بس..اسوي قلق لنفسي الين اصحى ولو اخرتها اجلس الوم نفسي عشان ماتتكرر :hahaha:
وفيه طريقه حلوه قالتها لي اختي تصومين ثلاثة ايام من كل شهر بكل سهوله..وهي انك كل10ايام تصومين يوم بحاول انفذها ان شاءالله..والذكر من افضل الاعمال واسهلها،،
انا ذكرت هذي الاشياء للتحفيز وابي كل وحده تكتب ايش اللي تغير فيها وايش الاعمال اللي بدت تسويها نحمس بعض..
مشكلتي اليومين هذي نومي معفوس مع بنتي وصايره مو مره بالصلاه استغفر الله غصب عني،،
انا جات لي فتره كنت احس بلذه مدري لذة الطاعه او القرب من الله المهم احساس حلووو واللحين ماودي افقده
واعرف ان الصحبه الصالحه هي اكبر معين بعد الله وتوفيقه بس انا ربة بيت ومَ اقدر اروح لتحفيظ القرآن وكذا..
عندي صاحباتي والحمدلله فيهم خير بس مستحيل نتقابل كثير صعبه كلٍ له مشاغله
انا ماابي الموضوع هذا تردون عــلي انـا فقط ابي الكـل يكتبون تجاربهم ونصايحهم. والفائده للجميع،،
والموضوع مفتوح للكل كل وحده تكتب ايش الشي اللي تحس انها مَ تقدر تتركه والشي اللي تحاول تتركه ونتساعد ان شاء الــلــه
ادري موضوعي مخربط بس لاني اي شي يجي فبالي اكتبه مارتبت افكاري بس يللا ردودكم هي اللي بتثري الموضوع وتزيده فائده وجمال:p
ابيه يكون مرجع لنا كلنا وكل وحده تحتسب اجر اللي بتكتبه ماتدرين كم وحده تتاثر بكلامك وتطبقه وممكن تعلمه لغيرها وتربي عليه اولادها ولاتحتقرون من المعروف شيئا مهما كان صغير يمكن عند ربك كبير
يلزم عليك تسجيل الدخول أولًا لكتابة تعليق.
((رندا))
•
الله يجزاك خير
الصفحة الأخيرة