انتي موظفه وماعندك شغاله .؟ طب تعالي هنا

الكشنه سويها كميات وقسميها -وصلصة البتزا - واقلي اواشوي البادنجان شرايح للمسقعه وللمتبل - ا شتري غسالة مواعين - هده اللي عندي وادا ادكرت حاجه كتبتها

اطبخي الدجاجه من الليل وحطيها بالثلاجة بس بكره حمريها و الرز اغسليه و نقعيه في ماء بارد بالثلاجة و الكشنه تكون جاهزه من قبل و بالفريزر بس تخلطيهم بقدر الضغط 5 دقائق و دجاج تكون تحمر ولا اسهل من كدا طبعا ادا كنتم من محبي الكبسه اما الاكلات الثانية تقدري تسوي لها تحضير مسبق على قولت منال العالم و اتمنى اني افتك

اما بنسبه ملابس العيال اكون في عطلة الاسبوع مجهزه لهم ملابس تكفي لاسبوع تكون نظيفة و حط لكل واحد سلة ملابس يضع الملابس المتسخة فيها بكدا يعتمدوا على انفسم شوي و كل واحد يعرف سلته و عند الغسيل يكون سهل على اعرف اغراضهم من غير ما يروح الوقت على فرز الملابس وانا كمان اجهز ملابس لي نظيفة طوال الاسبوع و زوجي كما و يصير ماعندي غسيل الا يوم الجمعة الصبح اقوم الساعة 8 و اغسلها طبعا عندي غسالة توماتيك و نشاف حراري اسهلي في الغسيل واجيب لي شغالة بالساعة من يوم الجمعه تنظف دورات المياه بكلوركس و تمسح الارضيات و تنظف عن الغبار و تمسح الارفف و المطبخ و تغسل الحوش وهي كل جمعة تجي عندي وبكدا يصير تنظيفي لدورات المياه تنظيف بسيط بالماء و الديتول شطف سريع لما امر عليهم في ايام الاسبوع و المواعين اشتري غسالة صحون افضل و تريحك من المواعين .
اما بنسبةالشؤون الخاصة لعيالك اقعدي معاهم من بعد العصر و شوفي دروسهم ادا كانوا صغار و دا كبار هم يهتموا فيها بس تشرفي عليهم و تساعديهم و من بعد المغرب جهزي غدا بكره و حضري عشاء يكون خفيف ما يتعب مثل سندويتشات او بروست وسلطه وعصير و فيه اصناف كثيره وسهله التحضير و من بعد العشاء تبدي تروش الاطفال الصغار تحت الدش شور سريع و تنوميهم و تخدي انتي شور وتلبسي لبس مريح و تجلسي مع زوجك يكون طبعا الاطفالناموا لاتعوديهم يناموا الظهر ادا كانوا اصغار لكن ادا كانوا اكبار يغفوا ساعة قبل صلاة العصر و تصحيهم حتى يستعيدوا نشاطهم وحتى يناموا بدري
و بعدي يخلا لكم الجو انت و ابو الشباب و تناقشوا اموركم الخاصة و على 10 تنامي و هدا الي اقدر افيدك فيه و دمتم في حفظ الله

8