جوري10 @gory10

عضوة فعالة

انتي مو حلوة ولا كشخه ....معناه ماتستاهلين زوجك يحبك !!!!

معليش اذا نرفزكم العنوان بس وش اسوي الصراحه ابغاكم تدخلون وماابغى موضوعي يروح للصفحه الثانيه ....
بنات انا لاحظت مواضيع بدت تنتشر بعالم حواء ...
مواضيع غريبه عجيبه مالقيت لها تفسير الا الغيرة للأسف ...
كلما قريت موضوع مثلها تنرفزت وزعلت وسكت وطلعت من الموضوع كله لكن قررت اتكلم والي يصير يصير ..
رغم اني متوقعه كل انواع الهجوم والشتايم والسب الي بيجيني ويمكن بالاخير اطلع عميلة لاسرائيل بسم الله علي وانا مادري !!!!....
كتبت الموضوع هذا لانه يخصني ويجرحني ويجرح كل وحده مو حلوة ومارزقها الله بالبياض والجمال ولا الفلوس الي تجيب لها الماركات من ملابس وعطور وشنط و..و...و...
انتم هنا يابنات حواء تستغربون وشلون وحده سمراء ومو حلوة ابدا ولا تلبس ماركات واقل من عاديه وماهي موظفه ..لا وطفرانه بعد !! وشلون يطير فيها زوجها ويحبها !! يعني حكمتم ان الشينه بنظركم ..السمراء ..الي كل لبسها رخيص ومو ماركات مثلكم هذي خسارة فيها الحب ولازم زوجها يكرهها ويصبحها ويمسيها بطراق هذا اذا تزوجت طبعا لانها بنظركم لازم تقعد عند اهلها طالما انها مو حلوة ...
اما الحلوة البيضاء الغنيه الي لبسها كله ماركات وآخر شياكه ودلع هذي لازم لازم تخطب وهي باللفه ويصيرون العرسان طوابير عند باب اهلها واذا تزوجت لازم يحبها زوجها ويدلعها ويصير خدام تحت رجليها مهما كانت عيوبها واخلاقها ومساؤها ....
يعني المعادلة بنظركم لازم تصير كذا :_
انتي سمراء وشينه ومو حلوة -- > ياتقعدين بدون زواج ولا اذا انعمى واحد واخذك المفروض مايحبك .
انتي بيضاء وحلوة ومزيونه -- > تخطبين على طول اول ماتطلعين متوسط وزوجك لااااازم يموت فيك .
لكنكم يابنات نسيتم شي مهم انه مافيه احد كامل والكامل الله سبحانه والله ياخذ ويعطي ويقسم الارزاق على عباده والله مايظلم احد وكل واحد ياخذ نصيبه في الدنيا يعني الي شايفه نفسها حلوة وغنيه وكشخه وسنعه وكل الصفات الحلوة فيها لدرجة من جمالها ماتحتاج تحط مكياج ومدلعه زوجها وآخر شياكه وتجي تكتب موضوع ليش يابنات زوجي مايحبني ويدلعني وفلانه القبيحه الوصخه الي مامعها الا شهادة الابتدائي زوجها طاير فيها ويركض وراها ركض هذي لازم قبل كل شي تدور الاسباب الي خلت زوجها ينفر منها لانه مافيه احد كامل ومافيه احد ملاك خالي من العيوب يمكن هي فيها عيب ماهي شايفته عيب بسيط خلى زوجها مايحبها والحب اعمى مثل مايقولون احيانا تحبين شخص وتستغربين ليش تحبينه وهو مافيه صفات تخليه ينحب ..وياما قابلتي حريم في مناسبات وقلتي سبحان الله الآدميه هذي حبيتها ودخلت قلبي على طول رغم انها عاديه وبنفس الوقت تقابلين وحده كل شي فيها مميز حلوة وكشخه ورزه وحضورها لافت بس تقولين سبحان الله مابلعتها وماارتحت لها ..
الحب يجي من الله يابنات ماله قوانين ولا معادلات والرجال غريبين في الحب ومايحكمهم قانون معين لا حلاوة ولا جمال ولا لسان ..سبحان الله هو بس توفيق من الله ...
ادري طولت عليكم بس في النهايه ابغاكم تعرفون ليش انا قلت كل الكلام فوق الي زعلكم اكيد ..انا وحده مارزقني الله بالجمال ولا الوظيفه ولا المال ..سمراء ..عادية جدا ويمكن شينه بعد ..ماني متوظفه رغم اني معي شهادة جامعيه بس مافيه نصيب ...عايلتي حالتهم الماديه متوسطه واحيانا تنزل شوي حسب الظروف ..وصار حظي اني طلعت سمراء على ابوي وخواتي كلهم بشرتهم بيضاء على امي وفيه بعضهم مو بيض بس ابيض مني على الاقل وامي من صغري تجيب لي كريمات بيضاء مثل الثلج وتطلب مني اصبغ فيها وجهي بالمناسبات وكنت ارفض اقول يمه انا سمراء كل بشرتي سمراء اذا صبغت وجهي ماني قادره اصبغ الباقي وبيصير شكلي يضحك رماديه كأني مهرج كريم الاساس الابيض مايصلح لي ...وكانت الله يهديها تزعل وتقول انتي ووجهك مين ياخذك وانتي كذا ؟!!! الشتم والتهزئ لي والمدح لاخواتي لانهن بيض زيها .. (الله يحفظك لي ويخليك لي يايمه ..يالغاليه رغم كل شي)
وتمر السنين واتزوج رغم التعليقات من امي واخواني الله يهديهم والناس ويرزقني الله بزوج موشايف عيوبي سبحان الله ويحبني بعلاتي ومتعلق فيني (قولوا ماشاء الله ) الله يخليه لي ولعياله واحيانا يمدحني ويمدح شكلي لدرجة اول ايام زواجنا كنت اقول بنفسي اكيد يجاملني مو معقول مايشوف عيوبي بس الحين بعد 8 سنوات زواج ومستمر يمدح شكلي ومعجبه عرفت ان الموضوع صدق مو مجاملة وانه سبحان الله توفيق من الله قبل كل شي ويمكن لاني الحمد لله قنوعه قلبي صافي ومااحب اشيل على احد بقلبي واكثر وحده من اخواتي تبر بأمي وماارفع صوتي عليها رغم كل الكلام الجارح الي كانت تقوله لي الله يهديها ...
اسفه اذا كنت زعلت احد او ضايقته بس كلام كان بخاطري وقلته ...الي يعجبها كلامي مشكورة والي مايعجبها وترد برد جارح وتهزئ وسب ... مشكورة بعد ..

105

20K

يلزم عليك تسجيل الدخول أولًا لكتابة تعليق.

تسجيل دخول

شفاايف فوشيه • 14 سنة

كلامك صحييح 100%100 مجتمعنا متخلف بجد السمرا مهضوم حقها هي والمطلقه مدري ليش كن الانسان خالق عمره
مدري متى بتكبر عقولهم وربي الله يسعدك ويهنييك ويوفقك مع زوجك

للهم يا مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء
بيدك الخير انك على كل شيء قدير تولج الليل في النهار وتولج النهار في الليل وتخرج الحي من
الميت وتخرج الميت من الحي وترزق من تشاء بغير حساب اللهم ارزق شفايف فوشيه سلطان زوج لها وارزقها منه الذريه لصالحه وارزق جميع بنات الحمله والمنتدى الازواج الصالحين اللهم انك رحمن بالدنيا والأخرة ورحيمهما اللهم
ارحمني رحمة تغنني بها رحمة عمن سواك

ودي اضمتس يايمه • 14 سنة

الله يسعدك صادقه

استغفر الله
استغفر الله استغفر الله
استغفر الله استغفر الله استغفر الله
استغفر الله استغفر الله استغفر الله استغفر الله
استغفر الله استغفر الله استغفر الله استغفر الله استغفر الله
استغفر الله استغفر الله استغفر الله استغفر الله استغفر الله استغفر الله
استغفر الله استغفر الله استغفر الله استغفر الله استغفر الله استغفر الله استغفر الله
استغفر الله استغفر الله
استغفر الله استغفر الله
استغفر الله ااستغفر الله
استغفر الله استغفر الله
استغفر الله استغفر الله
استغفر الله استغفر الله
استغفر الله استغفر الله
استغفر الله استغفر الله
استغفر الله استغفر الله
استغفر الله استغفر الله
استغفر الله استغفر الله
استغفر الله استغفر الله

حيل جذابة • 14 سنة

بعد عمري عساك بعين زوجك دايم أجمل حرمة بهالكون وعساة مايعرف غيرك

عسى الله يسخرة لك ويسعدكم ويهنيكم ويوفقكم يارب

بالنسبة لموضوعك ياقلبي موشرط إن الحلوة هي اللي لازم تتزوج والشينة تقعد زي مابعض الناس مفكرة

والله أعرف بنات يهبلوون من ربعي زين وبياض وكشخة وأناقة أعمارهم بالثلاثين ولاأعرسو

وفية عاديات جدا ومتزوجات وموفقهم ربي والزين موكل شي

دام البنت تخاف ربهاومن عيلة محترمة وأخلاقهاعالية هذا الأهم

موفقة ياعسل

رؤى الكحيل • 14 سنة

والله كلامك صح مدري ليه كأن السمراء ربي ماخلقها عقول الناس ياحبيتي مايعجبهم عجب لا كذا عاجب ولا كذا عاجب والله يسعدك مع زوجك ويبعد عنك العين (بسم الله عليك ويخليكم لبعض

سنيورتهم • 14 سنة

ماشالله على برك بامك
ادعيلي اكون مثلك