أي مدري وشلون ابدا المهم كل وحده تاخذ لها فنجال الحين ولاخلصتي انتي وياها قدامكم الشاي صبوا لاعماركم
راح ابتدي موضوعي بسالفه مره من المرات كنت اقرا كتاب وكان فيه عن ثقافات مختلفه وكان يتكلم عن نوع من الديانات تخيلوا بهذه الديانه المرأه غير محاسبه والمحاسب فقط الرجل وهو المطلوب منه اعمار الارض والحفاظ على الدين وغيره طيب وش دور المرأه هنا الحين اقولك خوذي بيالة الشاي بالنعناع هذه اصبري
دورها انها تمتع الرجل وانها كالة تفريخ فقط تجيب ورعان واهم شي تونسه والا الباقي ماهي محاسبه عليه
سؤال لكم ياحريم ماتحسون كثير من حريم منتدانا يعتنقن هذه الديانه
من خلال نظرتنا لمواضيع المنتدى ونظرية تكشخي وتمكيجي وتدلعي لتنالي الرضا والاستحسان وكوني مطيعه
مغلوبه على امرك ماتعرفين شي كل قيمتك في نظر رجال مجتمعك ايش شكلك وركبتك سودا وسمرا وووو
يعني نظره شكليه هذا غير المقارنات مع حريم المجتمعات الثانيه مو بعلمهم ولاثقافتهم لا ببياضهم بتغنيجها لزوجها بطبخها فقط
وانتي طبعا عشان تثبتين انك الافضل ماخليتي منتدى الاوكتبتي فيه وش اسوي عشان ركبتي
وماخليتي تايد الا وانفركتي فيه تبي تصيرين بيضا ماخليتي اسلوب لحق من رومانسيات وخرابيط الا سويتيه ماخليتي اسلوب اعتذار وانتي مو غلطانه الا وقلتيه هاا وشولهبالنهايه قدر يصنع منك الرجل والمجتمع حرمه لاتفكر
تبي تطمر علي حرمه وتقول حنا ندور الزين لانفسنا والا لازم نصير كبيحات عشان نعجبك
وحنا ندور رضا بعولتنا والا لازم نصير مطلقات عشان نعجبكبرد عليها واقول خوذي بيالة الشاي بالنعناع هذه وارجعي مكانك الله يعافيك برد عليك الحين ياحرمه
وش الزين الا كل الشعوب العربيه دروا ان ركبتك سودا وانك سمره وشينه ها واذا تدورين الزين زي ماتقولين كل يوم اشوفك على النت قاعده شوشتك وصلت السقف
طيب مايخالف دوري الزين بالمعقول مو ادخل الاقي ناس تقول حطي كلوركس وتايد وافركي جسمك وتصيرين بيضا
<< قولي قاا اجل ليه تعب عمره مايكل جاكسون بالعمليات تراهم هم اللي مخترعين التايد والكلوركسوالا خوذي شحم وحطيه على ركبتك الظاهر بتزيتها مثل السيارات
واذا تدورين رضا زوجك هل هو راضي بالنهايه مشاكلكم بالمنتدى ماتقول انه رضى واذا رضى أي لانه يبي وحده الشئ اللي يقنعها فيه هو الصح واي رجل يجي ويقولها كلمتين هم الصح
حرمه مخها متعطل واقدر اقول عليه كومة تراب متوقف عن العمل من ولادتها
وسالفة يطلقني انتي وياها من اعطى الرجل سالفة تحمد ربها ماطلقها
أي لاتنكرون والا اروح اقتبسها من ردودكم تحمد ربها ماطلقها لانها ماسوت الفطور, لانه رجع لقاها نايمه, لانها ماسوت الشاي , لانها ماتكشخت
لها الدرجه الاسباب التافهه تخلي بنظركم الرجل المفروض يطلق وتكرما منه وطيب اخلاق والله يجزاه خير بنخلي ائمة المساجد يدعوله انه مااقدم على الخطوه واكتفى بالهواش والطرد عند الاهل
عزيزتي الحرمه خوذي فنجال اول
انتي اكثر حريم العالم استهلاكا لمستحضرات التجميل ولقيت رجال معلقين على الخبر (من كثر شيونة حريمنا ماخلوا شي الا وشروه عشان يجملهم)
انتي اكثر حريم العالم شراء للكتب لاتفرحين هيهات تكونين مثقفه
لا شراء لكتب الطبخ والنفخ بانواعه وبعد كذا عطوني خلطه والا شراب ينحفنيانتي اكثر حريم العالم لديكي ثقافة ماركات بانواعها
وين الثقافه لاتحسبين ان المثقفه صاحبة الخبره في مجالات الحياه لازم تكون شينه موحلوه مبهدله والا لازم تكون ماسكه منصب ووظيفه مو شرط
ربة البيت ممكن تكون تقرا وتتثقف وتعرف والامثله كثيره منها ربة البيت الفلسطينيه اللي ظهرت مع قرداحي في من سيربح المليون واجابت بشكل مذهل على الاسئله اثار استغرابه وسألها قالت اناكل يوم اقرا وبكل الكتب والمعلومات بهرت الرجال بعقلها
أي واتحسر على حريمنا اللي اذا طرح سؤال في المنتدى ردت بخزعبله والا خرافه والا حريم قبل يقولون من غير ماتكلف تقرا كتاب والا تبحث بقوقل
قوقل عندها يفتش طبخات وماركات وغيره مايشتغل
لما تعرف الحرمه قيمتها في الحياة وان لي دور فعال ومنتج حتى لو كنت داخل بيتي مو موظفه راح تتغير اشياء كثيره ونشوفها لها قيمه ومعتزه بنفسها اكثر
بروح اسوي لكم قهوه وشاي ونرجع نتناقش بالموضوع نبي نقاش ورأي وشوي شوي بالهداوه
(طبعا حبيباتي مو الكل مانعمم بس حنا نتكلم عن فئه معينه خلوكم وسطها ولاتطلعون بره خلاص شاطرين)
وكلامك صحيح ميه بالميه (ان اغلب حريم المنتدى معتنقات هالديانه )خخخخخخخخخخ الله يردهم للحق ردا جميلا
ومشكوره ياقلبي على القهوه والشاي والنعناع
سفره دايمه <<<<<<<<<<خخخخخخخخخ مضيعه