انتي ياللي جالسه يوم الخميس والعالم طالعه؟ عندي لك طلعه

الأسرة والمجتمع

تبون تدرون وش تسوون يوم الخميس ماني قايله لحد مااشوف الردود توصل للعشر طعش

ولا تدرون راسلوني على الخاص:D







































































اشوفك انتي معصبه وودك تفقعين وجهي
والا انتي ياللي زوجك معي عليك تطلعين وودك تحطين الحره فيني
ولاتدقون ريوس وتسكرون الباب بوجهي
انا ابقولكم وش كنت اسوي من سنين بيوم الخميس كنت سلمكم الله اقضيه بهوشات مع ابو الشباب :icon28:
ليش
لأنه خميس وابي اطلع اتمشى اتعشى بمطعم واتفطر بفندق

بس الأقى بالصد وماابغى واكره المطاعم ووين نروح ومن ذا الحكي وتكبر بارسي واحس اني مظلومه وضحيه له واعبي راسي من هالكلام الفاضي
ويعجبيني هالدور وامارسه كل خميس ومن هنا تحصل التج يعني الكراش يعني المصاقع
وازعل ويزعل هو و لايراضيني ونكمل باقي الأسبوع كذا :dry:
ونرضى الثلاثا وان صرنا حليلين الأثنين
ونلتقي الخميس مع هوشه جديده الحمدلله والشكر
بعد هالروجه والدوشه صار يقولي زوجي انتي الخمبس تجيك عفاريت النكد وابدا نا زيد وانت بعد !!!!:mad2:
بس بعدين بديت بمرحله الأرتداد النفسي والتفكير ليش صدق الويك اند نتهاوش؟؟
طبعا ولا يهونون باقي الأيام على امور ثانيه بس ليش الخميس بالذات من كل اسبوع لابد هوشه؟؟
لمن قعدت اعيد مجرى تفكير وبعد ماقريت كتاب لصلاح الراشد عن نفسيه الزوج لقيت انه الحل جدا سهل وقريب مني
انا طبعا طوال الأسبوع بالبيت بحكم دوام زوجي وإذا جا الخميس ابي اطلع لان العام كلها بتفل الخميس مثل مافهمونا:3_10_6:

وهو الرجل تعبان ينتظر الويك اند علشان يرتاح يناظر التلفزيون بأسترخاء ويقابل زملاه
وبجو هدوؤ مو بزحمه الرياض
فمن هنا بديت اعيد ترتيب اوراقي لانه اللي هو زوجي صار يكره الخميس اللي العالم تحتريه وانا كنت اشوف ان معي حق وابغى اطلع :confused-
فعرفت ان احنا الأثنين معنا حق بس كيف نتصرف مع حقوقنا
صرت اقنع نفسي ان الوناسه ماهي بالطلعه يوم الخميس ممكن نستانس الأحد بعد والسبت
وموضروري نطلع حتى نستانس ممكن نستانس بالبيت والمنتدى ماشالله
مليان من الألعاب
وحتى لو طلع اتفرغ للنفسي اقرا اجلس على النت اسوي اشيا من زمان ابي وقت اصلحها المهم اشيل هالقناعه اللي تلبستني وصارت تلعب فيني زي ماتبي
اللي ابغى اوصل له ان الحياه قناعات اقنعي نفسك بفكره وتصير هي اللي تتصرف فيك
انا اللي خلاني كمان اعيد النظر
وحده اعرفها لسه متزوجه وطبعا مااعرف كيف علاقتها مع زوجها بس اللي لفت انتباهي انها تقعد بالأسابيع باليت وعادي عندها( ولا هي متعوده قبل على كذا) بس تبي راحه زوجها وعارف انه يبي يقدر هالشي مع انها عروس
ماشالله عليها من جد يابنات لابد نتعلم من اللي حولنا مو بس مشاوير على الفاضي وحلا رايح وحلا جاي ونصرف على هالملابس ونرجع من الزيارات ايد ورى وايد قدام :blink:
انا اذكر دكتوره علم نفس كانت تقول استغلو وجودكم مع الناس بالملاحظه حتى تتعلمون منهم مو على شان تحشون فيهم :angry2:
انا يابنات قاعده اقنع نفسي ان الوناسه ماهي بالأشيا اللي معتقدين مع العادات انها تونس
يعني تقعدين طول اليوم بالمطبخ وتظلين سعيده لو انتي تبين تستانسين
انا عارفه انه تغير ووناسه لمن تطلعين مع زوجك وتتمشون بس وش تسوين تطلعين غصب عليه ولا يطلعك كاأنه مان عليك:mad2:
فالمطاعم والطلعات لاحقين عليها انشالله ماهي في اوقات معينه بس ولا نطلعلها وكل واحد ماد بوزه
تشوفون اللحين العالم كيف ليله الخميس تقل الرياض تبي تهج من الزحمه وعلى طاري الزحمه
هاذي اللي تزيد الطين بله وتكره الرجال بالطلعات واقول والله بعذرهم

بنات انا قاعد اجاهد نفسي
يالله اللي اليوم منطقه ببيتها تعاوني وتظل صامده
إذا اعجبكم كلامي ادعولي ان ربي يتم علي ترى المنتدى هاليومين يخوف
و يوم الخميس نذبح ابليس اذبحوه شر ذبحه
62
11K

يلزم عليك تسجيل الدخول أولًا لكتابة تعليق.

تسجيل دخول

ريسفربدون تلفزيون
أأأأأأأأأأأه قلبتي المواجع جيتي على ابو الجرح

اذا انتي كل خميس انا طول ايام الأسبوع
صار فيني رهاب اجتماعي من كثر جلستي بالبيت بعدالزواج,,,, صرت
اذا رحت لأهلي اجلس بالحوش واقل شي اروح لسوبر ماركت
وش اسوي ظروف بس الحمد لله على كل حال اهم شي انشاءالله الرجال يقدرون اذا كانت زوجاتهم من نوعي,,وربي يشهد عمري ماشكيت ...
وعلى فكره القهر عندي مواذا ماطلعت القهر اذا قلب خشته بدون سبب :(
ماذا بعد ؟
ماذا بعد ؟
اتفق معاك ان الطلعة مو مصدر وناسة أبدا أبدا البته

توي جايه من سوق ( كـ عادة التمشيات بالرياض لازم أسواق ) والله اني ما جبت شي من الل احتاجه للجامعة .. زحمه هالناس وقلق من جد

حلاة الطلعة تكون عفوية ومو مرتب لها ..يعني ما تحسين انها فرض عليك أو ع زوجك وشي الزامي

ومدامك متعافية الحمد لله ورايقة وبالك صافي .. هذي أحلى وناسة
tayooopa
tayooopa
انا اشوف ان حريمنا بدو يقللون من روحاتهم لأهلهم ما ادري ليش!!؟
يعني بدل ما انتظر من زوجي طلعة...وممكن تكون بالزعل يختي بلاها...
و مثل ما انا ابغى اترفه واطلب منه يمشيني ...هو بعد يبغى يرفه
عن نفسة ويزور ربعة ويغير جو......
صراحة عن نفسي ايام الاجازة على طول عند اهلي..... ولله جلسة معهم
تغنين عن اي طلعة واذا عندي مشوار معين اخليه ايام الاسبوع
Um_Shahad
Um_Shahad
اووووف والله جيتي على الجرح ..

يوم الخميس والجمعة دائما تكون زهق ماادري ليه ؟؟
قمورة السعودية
:icon33: يعطيكي العافية يلي حسيتي فينااقولك عن تجربة ماكنت اجلس الاربعا والخميس في البيت لازم اطلع لاني اعتبرهااجازة ومن حقي اقضيها بين اهلي واقاربي :39:والحين اجلس بالاسابيع مااطلع لانة حبيبتي اذاكان قلبك مرتاح وانتي في خير وعافية :) فهذا افضل لكي مناي طلعة