انتي ياللي داخله المنتدى

انتي ايوه انتي تعالي بقولك شي من قلبي لمصلحتك
تذكري ان هذي الدنيا مؤقته فتره مدري طويله او قصيره لكن بتنتهي
وبتروحين لحياتك الابديه والباقيه
وهذي الدنيا تعيشينها بس بس علشان تعملين اعمال صالحه وتجمعين حسنات تبنين فيها حياتك الابديه وهنا اقولك كيف
هذي الدنيا اشغالها كثيره وتافهه لكن انتي لاتنسين الغايه منها وهي عباده الله وهذا اهم شي بينفعك ويدوم لك اما شغل البيت والسوالف والتفاهات كلها زائلة مو معناته لاتضحكين ولا تنبسطين بالعكس اضحكي وافرحي وتفائلي وسولفي لكن خلي الوقت الاكبر والاهم لطاعه الله ابوضح لك اكثر
اولا الصلااااااة صلي من قلبك واخشعي واطمئني واقري ايه الكرسي بعد كل صلاة
ثانيا الصيام كل خميس واثنين
ثالثا قراءة الاذكار خصصي لها وقت تكوني فاضيه مثلا العصر او المغرب
رابعا قبل لاتنامين سااااامحي كل الناس مو علشانهم لا علشان الله بس ونظفي قلبك
خامسا احسني الظن بالله وبالناس وابتسمي الابتسامه صدقه لك
سادسا كل شي تعملينه لو شغل لو طبخ خلي نيتك انه لوجه الله
سابعا لاااااااتكذبين ولا تحشين ولا تنقلين كلام واقري كفارة المجلس
ثامنا تصدقي الصدقه تنفعك واذا مامعك شي اقلها كلمه طيبه او ابتسامه
تاسعا واخيرا الصبر ثم الصبر {إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ}