سبق اني كتبت موضوع عن مقالب الحريم والحين بكملكم عن نصبهم <<تحسبينهم يحترونك من يومها
المهم اكيد كل وحده فيكم تعرضت لعملية نصب حريميه
مااقول الا يامامي من النصابات مابقى الا يشتغلون بالمافيا
راح ابتدي بنفسي هذا يوم انخطبت واخذت من الضحيه (الهوسبند) القرووش و كنت فرحانه مشفوحه ماعمري مسكت هالمبالغ
أي ترى مهري 240 الف ريال << ماتعرف للكذب طريق
المهم كنت خايفه على القروش واخذ معي 60 ريال يقالي بشري كريم من المشغل وطلعت الستين والدموع بعيوني ان المسرفين كانوا اخوان الشياطين:D
وتجيني تلك المرأه صاحبة اللسان المعسول وتجيبلي كريم اتحداكم لو سمعتوا فيه
يسوي ترليون حاجه مع بعض يبيض وينعم وينحف وان بغيتي ينشر لك الغسيل
خخخخخخقلت ياحرمه بكم قالت ب200 قلت ليه؟ قالت اتحداك ثم اتحداك تلقينه هنا ثم اتحداك؟
قلت طيب ليه كل هالتحدي لاتخافين بنجيب الكأس
قالت لاني اجيبه من فرنسا من المصنع لاحظوا يعني هي تروح للفرنسي وهو يحوس بالمصنع وتقوله هي انت عطنا عشر علب لحريم السعوديه ويمكن تاخذ جمله
والا اشوفه ميد ان سوريا قلت هي انتي لاتبلين جاك شيراك هذا مصنوع في سوريا
قالت لا هم يكتبون كذا عشان امور سياسه , ولو بقعد معها وصلنا لاسامه والملا عمر
بيني وبينكم من كثر الكلام المعسول صدقتها وقعدت ادور فلوس بشنطتي رغم قرص وضرب وركل اختي الخفي بس للاسف مامعي غير الستين :06:
ونطلع انا واختي ونلاقي بنفس الشارع محل اكسسوارات وندخل وكانت الفاجعه لقيت الكريم وننقز عليه انا واختي وسط ذهول الباعه وننشب بحلق الرجال بكم ذا بكم ذا وهو يقول السعر وحنا نعيد بكم ذا
اخر شي قال عمى ب 15 ريال وياله خوذيه بعشره :32:
شافنا هجمنا قال يحوول فقيرات
واقعد اقول الحمدلله وبغيت اسجد شكر عند راعي المحل بغت تضحك علي وعلا صوت الابتهالات
اتاري فرنسا صارت بنفس الشارع
ولكن لم تدوم الفرحه بالانتصار على النصابه طويلا فقد طحت على خشتي بفخ اخر كبير لاصطياد الغربان
هذا شفتلي حرمه بالدوام تقول انها تبع شركه عالميه للملابس الداخليه
وورتني قميص روووووووووعه وقالت شوفي البسي هذا لان الهوسبند لو شاف الخشه ممكن يطالب بعودة امواله ويطلب خلع فمالك الا تلبسين هالقميص تراه صناعه امريكيه جايبته من امريكا
واشتريت منها القميص بمبلغ وقدره
ومافتحته لان لونه ابيض خليته مغلف خفت يتوصخ << حركات اطفال فرحانين بالعيد ادري + بخل
تخيلوا ظل اشهر لحد ماتزوجت وطحت في كبد الهوسبند
ولما شفته متروع وحاسس انه انضحك عليه بهالصفقه
قلت ياحرمه مابدهاش انقزي طلعي القميص والبسيه لاترجعين لاهلك بورقتك
طلعت القميص وكان عباره عن خمس قطع ولبسته مو كلهم لا
المهم وانا امشي مسرعه بوري الهوسبند كشختي
الا والقميص ينشق من الخصر الا اسفل القدم لحد يقول كنتي تركضين مطفوقه لا انا كنت امشي بدلع يقالي ركيكه
تفشلت عند الهوسبند من صوت الشق وانحشت للغرفه بسرعه بالبس القطعه الاخرى
جاء الهوسبند وفيه ضحكه على مسخره وقال شكل صناعته رديئه
هو قصده رخيص من ابو عشره بس تعرفون ماحب يجرحني
واجيكم انا لا والله امريكي وابدا مدح الا هو ياخذ القميص المشقوق من على السرير ويناظر بالنافذه حقته قصدي الشق
ويقول بسخريه مكتوب عليه صنع في سوريا بالعربي
واتفشل فشيله وش كبرها ويصبني دوار وسويت نفسي دايخه ومغمى علي من الفشيله ههههههههه
لا حكيتله كل القصه بس قال عادي والا بقلبه يقول هالكذوب وين ودت فلوسي شقى عمري كل اغراضها من ابو عشره
والحين صرت اركز بكل شي ولالالالالالالالا للنصب
اللي تعرضت لعملية اغتيال اوه قصدي نصب ياليت تتحفنا فيها!
ههههههههههههه نصب صح