بصراحة انا البس بلايز الطويلة الواسعة والدقلات يعني البالطوات الالوان واشتريت حجابات بنفس الالوان وموضة هذي الايام كلها بلايز واسعة وطويلة البسي تحتها بديات وتطلع تجنن وتحتها بنطلونات تناسب

السلام عليكم ورحمة الله وبركاته

اختي ام سيف
لما لاتستطيعين ان تلبسي العبايه في سفرك..!!

انا البس حجابي كاملا مع النقاب ولله الحمد
ولم اواجه اي مضايقات ..بل عالعكس الكثير يسالوني من اين اتيتي بملابسك؟؟
شكلك جميل جدا وانيق..
كيف استطيع الحصول على مثله ...

وذهبت لعدة مدن سياحيه عالميه بامريكا بحجابي كاملا
ولم اواجه اي مضايقات
بالعكس
اتلقى منهم كل تقديرواحترام
سواء بالابتسامه او التنحي جانبا عن الطريق حتى اعبر
او القاء السلام علي بلهجتهم المكسره ..

انصحك اختي بتقوى الله والالتزام بالحجاب كاملا
وتذكري
ان من ابتغى رضا الناس بسخط الله سخط الله عليه واسخط عليه الناس
ومن ابتغى رضا الله بسخط الناس رضي الله عليه وارضى عنه الناس

اسال الله لي ولك الثبات على دينه

انا عايشة في اليابان .. واشتغل مدرسة لغة انجليزية ..
وزوجي طالب دكتوراة ..
مشكلتي اني لازم اروح المدارس بالدراجة الهوائية
يعني لا استطيع ارتداء تنورة ولا عباية لسببين
الاول عدم قدرتي على قيادة الدراجة
والتاني خوفا تجي ريح ترفع التنورة لا سامح الله

بالتالي مضطرة اني ارتدي بنطلون واسع طبعا ولا يحدد الجسم بس دايما معاه بلايز طويلة واشارب احاول انه ايكون بقدر الامكان يغطي الكتفين فوق البلوزة
وفي حياتي العملية احاول دايما اني ارتدي تنورة واسعة بس المشكلة هنا ان الاماكن كلها بعيدة عن بعض وغالبا نستعمل في الدراجات الهوائية
بس لما نستعمل السيارة ارتدي التنورة وعليها بلوزة طويلة

اما بالنسبة للمطار فما اخبي عليكم لما سافرت اخر مرة لبست بدلة بنطلون بجاكيت طويل والله ..
بس ناوية بأذن الله اني ارتدي مرة ثانية تنورة واسعة وعليها بلوزة طويلة

والاناقة اتكون اولا في النور والايمان الظاهر على وجهك

وثانيا لبس انيق الوان غير ملفتة واسع فضفاض حقيبة انيقة حذاء انيق شنطة انيقة اشارب انيق

وادعولنا بالهداية يااااااااااارب
ياااااااااارب ارحمنا واهدينا

السلام عليكم ورحمة الله

اي والله انا دايما افكر وش البس بالسفر خاصة اني مااشيل النقاب , المهم اخر مره بفرنسا لبست بنطلون وسيع وبالطو يوصل لنصف الساق ولفه وحجاب واكثر لون كان انيق وحلو هو : بنطلون ابيض وبالطو اسود وكنت لابسه الطاقيه القطن اللي تمسك الشعر لونها ابيض وفوقها لفه دانتيل اسود بحيث يبين اللون الابيض اللي تحته ولثام اسود وكان مررره مريح وشكله حلو وساتر جدا .

انا عندي كذا فكرة

للسفر تبين شي عملي ومريح وماياخذ حيز كبير اممممم اهم شي انا عندي تنورة سودة عملية وجاكيتات تركب على اللون الاسود انا اخر مرة وديت وياي كندا 2 جاكيت جينز و جاكيت كاكاي وجاكيت اسود تلقينهم في مانغو في مثلهم تنانير بس وااااااايد مرتبين انا خذت جاكيتات بدون تنانير بس روعه المهم وتاخذين لج في البديهات مالت مانغو او زارا او سترادا اواواو المهم نص كم او كم طويل على راحتج انا خذت معاي 16 فنيلة كذا لون وماكن فيه داعي اني ابدل كل لبستي كل يوم لا بس ابدل الفنية اللي تحت او الجاكت ويطلع لووك غير عن اليوم اللي قبله وحلو وعملي والجاكت اخليه مفتوح ما اصكه يطلع روعه والله.
الشي المهم الثاني تاخذين لج تنورة ايه كات وتلبسين عليها قميص مو ضيق يعني مناسب وساتر وبتصيرين حلاوة
الشي الثالث لا تلبسين بنطلون الا اذا كان وراج مشوار طويل او اذا انتي ماترتاحين بالبنطلون بس على فكرة ترا البطلون استر من التنورة يعني ماتبان سيقانج ولا تحاتين الهوا ومدري وشو و اريح وعملية اكثر وتقدرين تلبسين بناطيل جينز ماتكون ضيقة في هالموديلات الللي يكون (وايد ليقز) هاي انا احبه مرة وعندج بناطلين عاديةاو بنطاكول وبعدين حاولي انج تاخذين راحتج عالاخر لان محد بيلاحظ لبسج شنو اهم شي تكونين مقتنعه فيه ومرتاحة وسلامتج