السلام عليكم ورحمة الله وبركاته
**بتحبّ ربّنا ؟؟؟
أكيييييييييد طبعا
**طيب بتعبّر إزاى عن حبّك ليه؟؟؟
أنا مش عارف بس كل اللى عارفه انى بحبه
**هى كلمة بحب ربّنا دى كلام بس ولا أفعال!!!!!
**أنا لو بحب أخت مثلا هحاول بشتّى الطرق إنّى أعبرلها عن حبّى لها صح؟؟
ولله المثل الأعلى
**عملنا أيه عبّرنا به عن حبّنا لربنا!!!
تخيلوا لما طفل يحسسني اني مقصر جدا في حبي لربنا بالصورة الصح
لما طفل صغير جميل يكتب في ورقة كبيرة
"انت جميل قوي قوي يارب .. وأنا بحبك قوي قوي يارب"
ويجيب أكتر من ورقة يكتب فيها نفس الكلمة
ويدخل الفصل بدري عشان محدش يعرفه ويحطها على كل مكان بيكون فيه أصحابه
وكلهم يقرأوها
وقلوبهم تتحرك بالكلام البسيط ده
ده طفل..ومش بس حب ربنا وعبر عن حبه .. دا نشر كلمات تعبر عن حب ربنا لكل أصحابه
وطبعا الحب ليه اثباتات تانية غير الكلمات
لكن الطفل الجميل ده..علمنا حاجات جميلة .. وكان سبب في فكرة رائعة
الثناء على الله
طيب أحنا عايزين نعمل زي الطفل الجميل ده
بس نجيب كلمات من أحسن الكلمات
من أكتر الكلمات اللي يحبها ربنا
هنلاقيها فين؟
أكيد في كلام ربنا نفسه
وفي كلام حبيبه صلى الله عليه وسلم ..اللي هوا كمان وحي منه
وفي كلام ناس صالحين قريبين من ربنا .. عرفوا ربنا صح وعرفوا ازاي يكلموه .. عرفوا أسرار كتير ومفاتيح كتير في كلام حبيبهم
والهدف مش اننا ننشره لخمسين أو مائة
الهدف نعدي المليون ان شاء الله
مليون حد متابع .. مش بالعدد.. بلسان وقلب طيب
عارف كلمة (المناجاة)
الكلام الجميل في السر بينك وبينه ولوحدك
حتى لو حواليك الناس كلها
لكنك مش حاسس بحد لإنك مع حبيبك
مرفق فى المشاركه ملف خاص بالتبتل والمناجاه لله تعالى
تخيل انك تكون سبب إن الناس تذكر ربنا بكلام جميل وتثني عليه وتناجيه وتتقرب منه بأعذب وأحلى الكلمات
تتوقع ايه في المقابل من رب العالمين الكريم؟
مش هقولك
؟
لإني والله ما اقدر اتخيل الثواب
ربنا انعم عليك وعلمك ازاي تستخدم الكومبيوتر والانترنت
ايه رأيك تستخدمه في حاجة بسيطة وجميلة وتجيبلك حسنات كتير
خليك زي التاجر الشاطر اللي بيحاول يغتنم كل فرصة
شعارنا هيكون .....
فلنتعلم الحب ممن خلق الحب! "والذين آمنوا أشد حبا لله" نحبك ياالله..
اللهم أحبنا وارض عنا
أمة التواب @am_altoab
محررة
يلزم عليك تسجيل الدخول أولًا لكتابة تعليق.
الصفحة الأخيرة
يبدأ بالحمد و الثناء على الله سبحانه ثم الصلاة على النبي
ثم الانكسار و الخضوع بين يدي الله سبحانه و طلب رحمته و تفريج الكربات.
من معي اخواتي لنواضب عليه في القيام في السحر بآذن الله ؟؟