انت خبيرةاوعندك نصيحة؟ أو أم وربيتي عيالك صح؟ أومطلقةكسبتي ابنائك؟تعالي هناشوري علي

بسم الله الرحمن الرحيم أولا اسئل الله لكل وحدة تشارك بموضوعي ولو بدعوة في ظهر الغيب أن يسلمها الله من فواجع الحياة ومصائبها وأن يصلح الله عيالها وحالها ويصلح مابينها وبين احبابها✳✳✳✳✳✳✳✳الموضوع يخص اختي وحتى تكون النصيحة بشكل نافع لابد تعرفون الموضوع مثل زي ماهوأختي تطلقت من زوج من خارج القبيلة بعد مامات لها طفلين كانت عاشت عنف زوجي واظهاد وظرب وظلم كانت جمييلة جدا وبسبب الجمال تعرضت لمشاكل وظلم وغيرة وعين قوية ورجعت بيتنا وتلاشى ذاك الجمال ومعها باقي عيالها وهي خايفة اي لحظة يأخذهم يعيشون معه خاصة البنات لأن العيال مايحبهم ودايم يتهاوشون مع عياله....وزوجته الثانية ماعندها مشكلة يعيشون معها لأن هذا:١- سبب لقهر قلب امهم الي كانت ضرتها زمان٢-الاستفادة من البنات لعدم وجود الشغالة بذات إن البنات خدومات ومسالمات ويخافون من ضرب الأب..بيتنا صغير وشبه شعبي...أبوي شايب ومريض وعنده من المشاكل والظروف ماالله بها عليم ولانبغى نتعبه في موضوع الحضانة لأنه دايم يقول عياله وهو ابوهم 😢أما اخوي في بداية حياته وكثييير وقف معنا وتعب معنا وهو على قد حاله وكم مرة فصل من شغله عشان يوقف مع اختي ومشاكلها وطليقها مايحسب له أي حساب ولا أي اعتبار أو وزن اختي خذت لها من البيت اكبر غرفة في البيت هي واطفالهاوتوظفت وظيفة متواضعة فترة النهار حتى تصرف على نفسها واطفالهابدئت اختي ترتب غرفتها هي واطفالها معتبرة إن هذي الغرفة هي بيتهم ومكان جلوسهم وغرفة لعبهم وغرفة نومهم ومسجدهم بسبب الظروف الي كانت عايشتها والجو الأسري المعنفمافيه حب قوي بينها وبين اطفالها بالذات البنات يشبهون الأب في اللون والشكل والشعر والتفكير والأسلوب أما الأولاد يشبهونها مافيه احترام قوي بين الام وعيالهافيه تمرد من الاطفال خاصة الاطفال الي كانويشوفون امهم تنظرب الأم شخصيتها شبه ضعيفة معهم الأم عصبية وانفعاليةالأم فيها فيها يأس واستسلاموفيها برود وتسويف وعدم حرص. .مثلا تجي من الوظيفة وتنام وهم جالسين عند التلفزيون ماتشوف ايش يناظرون ،ماتسئلهم ايش سووا في غيابها..بعض عيالها فيه كره لبعضوحسد وإهمال الصلاةبعضهم فيه خووف مرضيأنا نصحتها على قد علمي وخبرتي في الحياةقلت خلي في قلبك الله ثم انتي ثم اطفالكماله داعي تلفزيون واجهزة ايباد في الغرفةاشتري لكل واحد سجادة واول مايأذن كلكم تصلونلااحد يأخر الصلاة العيال يصلون في المسجد(إذا فيه أحد يروحون معه)اشتري طاولة كبيرة خليها طاولة الاجتماعتتنظرين في عيونهم وتسمعين منهم وتعيدون تأهيل بعضوتوجهينهم وتنصحينهم ((بس مو عارفة كيف تنصح وكيف تعيد برمجة نفسها وبرمجتهم ))طاولة تكون لطعام وللمذاكرة(قالت ايش اتكلم معهم وايش نسولف وبعضهم مايحب يسمع))بلاش فكرة السراير لأن الغرفة ماتتحمل ضيقة ولأن هذي مو غرفة نوم وبس.. اشتري فراش نوم لكل طفل وقت النوم افرشوها ونامو مع بعض واقروا اذكار النوم ولااحد يسهر والباقي نايم ووقت الصباح يقومون مع بعض ويصفطونها ويرتبون غرفتهم كل واحد مسئول عن اغراضه..اشتري دولاب وقسمية للجميع وبلاش الاسراف في الشراء او شراء غير الضروري او شراء مايضيق الغرفة وبلاش الغرفة تصير مكركبة ومليانة اثاث وموكيت خليكم بسطاء وخلي الغرفة ذات لون فاتح تفتح نفس الاطفال وتريح عيونهم (قالت اخاف اجهز برنامج تربيتهم واجهز غرفتهم ويجي ابوهم يحرمني منهم وانصدم واقعد لحالي بحسرتي)اشتري اكل صحي واشتركوا في الطبخ وتعاونوا مع اهل البيت وبلاش الحلويات والشبسات والغازيات تنازلوا وتسامحوا وتحابوا واقروا كتب وقصص وادعو( تقول ايش ادعي ايش اقول في دعائي) اقروا قرأن لايمر يوم إلا ولكم ورد يومي.....لاتكثرين عليهم نصايح ولاتهملينهم تعودوا على الصدقة لو كل اسبوع من كل واحد ريال،لايقطعون رحمهم،ويرحمون الضعيف والكبير ،و لايظلمون أحد مهما كلن الظلم،ولايسكتون عن حقهم(كيف لايسكتون عن حقهم؟)اجتهدي معهم واتعبي حتى الله يعطيك على قد حرصكهذي نصيحتي لها وانتم اكتبوا نصيحتكم لها وخبرتكم وكيف ترجع قوية وكيف تتصرف إذا أخذ بناتها ورفض يدرسهم عندها وكيف تربي عيالها وكيف تخليهم بارين بها ويحبونها وكيف تهتم بنفسها وكيف تنتصر لنفسها وكيف تحمي عيالها من عيال الحرام،كيف تخلي بناتها قويات شجاعات ماحد يستعبدهن ويشغلهن...... . 😭😭😭اترك القلم والاوراق ين يديكم... في انتظار الكلمات التفائلية ...حتى أرسل لأختي ماكتبتم وماشاركتم .ن